Kolestasi

Wikipedia(e)tik
Hona jo: nabigazioa, Bilatu
Ohar medikoa
Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.
Kolestasi
Sailkapena eta kanpo baliabideak
Cholestasis high mag.jpg
DiseasesDB 9121
MedlinePlus 000215
eMedicine ped/383
MeSH D002779

Kolestasia behazun bideen erabateko edo neurri bateko oztopoaren eraginez duodenora iristen den behazun fluxuaren gutxitzea da. Kolestasiaren eragileak arrazoi desberdinak izan daitezkeen arren, sintoma nagusia ikterizia da, hau da, azal eta mukosen kolorazio horia.

Zergatiak[aldatu | aldatu iturburu kodea]

Kolestasiaren eragileak bi jatorri desberdin izan ditzake.

Gibel barnekoa[aldatu | aldatu iturburu kodea]

Asalduraren sorrera hepatozitoaren mintza eta gibeleko behazun bidearen artean dago. Honen arrazoia zenbait farmako (fenotiazidak esaterako) edo lobulu arteko porta behazun hodien desegite autoimmunea izan daiteke. Ohikoa da zirrosi edo hepatitisean.

Gibel kanpokoa[aldatu | aldatu iturburu kodea]

Gibel kanpoko behazun bideen butxaduraren ondorioz. Butxadura hau koledokoko litiasiak, behazun bideetako minbizi edo arekoak, pankreatitisak, behazun estenosiak edo parasitoek eragindakoa izan daiteke.

Sintomak[aldatu | aldatu iturburu kodea]

Lehen aipatu bezala sintoma nagusia ikterizia da, baina horretaz gain behazun gatzek sortarazitako hazkura bizia ere agertuko da.

Koluria eta akolia ere izango dira. Lehen kasuan, kolore iluneko gernua izango dela esan nahi du behazuna pilatzen delako bertan eta bestean, kolore argiko gorozkiak bilirrubinarik ez dutelako.

Horretaz gain, kolesterol totalaren gehikuntza bat emango da eta kasu batzuetan kolesterol hau larruazalaren azpian pilatuko da xantelasma agertuz. Eta azkenik behazun bideen infekziorako joera handituta egongo da.

Commonsen badira fitxategi gehiago, gai hau dutenak: Kolestasi Aldatu lotura Wikidatan