Lankide:Joxan Garaialde/Paulo VI.a
Joan XXIII.aren ondoren, Vatikano II.a kontzilioarekin jarraitzea erabaki zuen, aurreko pontifizearen lan handia. Era berean, eliza ortodoxo, anglikano eta protestanteekin harreman ekumenikoak sustatu zituen, bilera eta akordio historiko ugari lortuz.
1922 eta 1954 bitartean, Egoitza Santuaren Estatu Idazkaritzan lan egin zuen. Bertan egon zenean, Montini, Domenico Tardinirekin batera, Pio XII.aren kolaboratzaile hurbilen eta eragingarrientzat hartu zuten, eta, 1954an, Milango artzapezpiku izendatu zuten, Italiako elizbarrutirik handiena, eta, horrela, automatikoki, Italiako Apezpiku-Konferentziako idazkari bihurtu zen. Han, laster, pobreen artzapezpiku bezala ezagutu zuten bisitatzen zituen lantegiko langileekin zuen adiskidetasunagatik[1]. Joan XXIII.ak kardinalatura igo zuen 1958an, eta hura hil ondoren, Montini oinordeko posibleen arteko hartu zuten[2].
Paulo izena hartu zuen, munduan zehar, Kristoren mezua zabaltzeko eginkizun berritzailea adierazteko. Vatikano II. Kontzilioa berriro ireki zuen, lehentasuna eta norabidea emanez. Kontzilioak bere lana amaitu ondoren, Paulo VI.ak bere aginteen interpretazioa eta aplikazioa hartu zuen bere gain, sarritan, Eliza Katolikoko talde ezberdinen itxaropen lehiakideen artean lerro fin batean ibiliz. Erreformen handitasunak eta sakontasunak Elizako alor guztietan eragin zuen bere aitasaintutzan zehar, bere aurreko eta ondorengoen antzeko erreforma politikak gaindituz.
Paulo VI.a Mariazale handia izan zen, eta horregatik etengabe hitz egiten zuen Mariaren aldeko biltzarretan eta mariologia-bileretan, hainbat santutegi bisitatu, eta Mariaren aldeko hiru entziklika argitaratu zituen. Milango Anbrosioren irakaspenak aipatuz, Maria Elizaren Ama izendatu zuen Vatikanoko II Kontzilioan. Paulo VI.ak elkarrizketa bilatu zuen munduarekin, beste erlijio batzuekin eta fedegabeekin. Gizateriaren zerbitzari xume gisa ikusten zuen bere burua, eta, Estatu Batuetako eta Europako aberatsei, Hirugarren Munduko pobreen aldeko aldaketa esanguratsuak eskatu zizkien[3].
Jaiotza-kontrolaren (ikus Humanae vitae) eta beste gai batzuei buruzko jarrerak eztabaidagarriak izan ziren Mendebaldeko Europan eta Ipar Amerikan, baina, Ekialdeko Europan eta Latinoamerikan, txalotuak izan ziren. Bere pontifikatuan zehar, aldaketa asko gertatu ziren munduan: ikasleen istiluak, Vietnamgo Gerra eta munduko beste gorabehera batzuk. Paulo VI.a horiek guztiak ulertzen saiatu zen, baina, baita, aldi berean, berari agindutako «fede-gordailua» defendatzen ere.
1974ko abenduaren 24an, San Pedro basilikako Ate Santuaren irekieraren buru izan zen 1975eko Jubileuari hasiera emanez, zeina munduan zehar mila milioi lagunek jarraitu zuten.
Izendatu zituen kardinalen artean, hiru bere oinordeko izango ziren aita santu gisa: Albino Luciani 1973ko abuztuaren 15ean kardinal izendatua, zeina 1978ko abuztuaren 26an Joan Paulo I.a izendatuko zuten; Karol Wojtyła 1967ko ekainaren 26an kardinal izendatua eta 1978ko urriaren 16an Joan Paulo II.aren izena hartuko zuena; eta Joseph Ratzinger 1977ko ekainaren 27an kardenal izendatua eta 2005eko apirilaren 19an Aita Santua hautatuko zuten Benedikto XVI.aren izenarekin.
Bere beatifikazio prozesua 1993ko maiatzaren 11n hasi zen[4]. 2014ko maiatzaren 7an, Paulo VI.a Aita Santua dohatsu izendatuko zuten miraria onartu zen. Angelo Amato kardinala, Santuen Kausetarako Kongregazioko prefeta, Frantzisko Aita Santuarekin bildu zen beatifikazio-data adosteko; azkenik, 2014ko urriaren 19rako ezarri zen[5]. Beatifikazioa San Pedro plazan ospatu zen Familiari buruzko Apezpikuen Ezohiko Sinodoaren amaierako mezan izan zen[1][6]. 2017an, Paulo VI.aren interzesioari egotzitako bigarren miraria onartu zen[7];, haren kanonizazioak, Frantzisko Aita Santua izan zuen buru, San Pedro plazan 2018ko urriaren 14an[8][9].
- ↑ a b Francisco beatificó a Pablo VI. 19 de octubre de 2014.
- ↑ Hebblethwaite, 322-323
- ↑ «“It's not easy being a christian”, says pope» (‘no es fácil ser cristiano, dice el papa’), artículo en inglés en Radio Vaticana]
- ↑ «Paul VI», artículo en inglés en el sitio web New World Encyclopedia.
- ↑ «Aprueban un milagro para la beatificación de Pablo VI», artículo en español en el sitio web AICA.
- ↑ Povoledo, Elisabetta. (19 de octubre de 2014). Pope Francis Beatifies an Earlier Reformer, Paul VI. The New York Times.
- ↑ Ramos Díaz, Ary Waldir. (2017-12-21). «¿Pablo VI será santo en 2018? Aprobado supuesto segundo milagro pro-vida» Aleteia.
- ↑ ACI Prensa. (14 de octubre de 2018). Papa Francisco canonizó a Pablo VI, Monseñor Romero y otros cinco nuevos santos. .
- ↑ «Las canonizaciones del Papa Pablo VI y el Arzobispo Óscar Romero» Caritas 2018-10-16.