Manuel Rivas
 |
||
| Datu pertsonalak | ||
|---|---|---|
| Izen osoa | Manuel Rivas Barros | |
| Jaio | 1957ko urriaren 26a | |
| Coruña (Galizia) | ||
Manuel Rivas Barros (A Coruña, 1957ko urriaren 26a - ) idazle eta kazetari galiziarra da.
Galizieraz egin du bere literatura-produkzio gehiena, eta gaur egun arlo honetan egile garaikiderik aktiboen eta sarituenetarikoa dugu: Eleberriak, poemak eta saioak landu ditu. Gainera, gaztelaniaz ere idazten du.
A lingua das bolboretas (¿Qué me queres, amor?) eta O lapis do carpinteiro lanek inspiratu dute pelikula bana zinemarako.
Eduki-taula |
Bizitza eta obra[aldatu]
Kazetaritza ikasketak egin zituen eta zenbait hedabidetan lan egin zuen: El Ideal Gallego egunkarian, Galiziako Telebistan, eta Diario de Galicia egunkarian. El Globo aldizkariaren zuzendariorde izan zen, eta egun La Voz de Galicia eta El País egunkarietarako idazten du.
Poesia, eleberriak eta saiakerak idatzi ditu, eta kritikari askoren ustez Galiziako literaturaren iraultzaile izan da. 1980an bere lehen eleberria argitaratu zuen: Libro de Entroido. Gero Todo ben (1985), Un millón de vacas (1990) etorri ziren. Azkeneko horretatik ale asko saldu zituen, eta 1990eko Espainiako Kritikaren Saria irabazteko balio izan zion.
1993an Os comedores de patatas argitaratu zuen, eta hurrengo urtean En salvaje compañía (1995eko Kritikaren Saria), eta ¿Que me queres, amor? kontakizun bilduma (Gonzalo Torrente Ballester saria, eta Narratibako Sari Nazionala).
Poeta gisa, aipagarriak ditu Balada nas praias do oeste (1985), Mohicania, eta Ningún cisne.
Saiakeren artean, berriz, Galicia, el bonsai atlántico (1990) eta El sentido de la historia en el futuro.
1998ko ekainean O lapis do carpinteiro aurkeztu zuen, ipuin gisako eleberri laburra. Gerra zibileko urteetan gertatutako maitasun historia bat da, frankismoaren biktimak omentzeko baliatu zuena.
Beste lan aipagarri batzuk: El viaje a Pantaélica: De Humor, destrucción e saudade no reino de Galicia; Lisboa, faca no coracao; Biografía de Federico García Lorca para jóvenes.
Manuel Rivas, bestalde, Greenpeace erakundeko bazkide sortzailea da, eta zuzendaritza batzordeko kidea. Nunca Mais plataformakoa ere bada.
Martiño Rivas aktore gazte ezagunaren aita ere bada.
Idazlanen zerrenda[aldatu]
Poemak[aldatu]
- Libro de Entroido (1979)
- Balada nas praias do Oeste (1985)
- Mohicania (1987)
- Ningún cisne (1989)
- O pobo da noite (1996)
Narratiba[aldatu]
- Todo ben (1985)
- Un millón de vacas (1989)
- Os comedores de patacas (1991)
- En salvaxe compaña (1994)
- ¿Qué me queres, amor? (1996)
- Bala perdida (1997)
- Ela, maldita alma (1999)
- A man dos paíños (2000).
- O lapis do carpinteiro (2001)
- Galicia, Galicia (2001).
- As chamadas perdidas (2002)
- Contos de Nadal (2005)
- Os libros arden mal (2006)
Saioak[aldatu]
- El bonsái atlántico (1994)
- El periodismo es un cuento (1997)
- Toxos e flores (1999)
- Galicia, Galicia (2001)
Sariak[aldatu]
- Espainiako Kritika Saria: Un millón de vacas (1990).
- Espainiako Narratiba Sari Nazionala: ¿Qué me queres amor? (1996).
- Galiziako Premio da Crítica.
- Amnesty Internationaleko Saria (Belgikako atalarena).
- Torrente Ballester Saria.
- Arcebispo Xoán de San Clemente Saria.
- ONCE Saria - Galicia á Solidaridad.
- III Premio Xarmenta 2007 á promoción da lingua galega no Bierzo.
Ikus, gainera[aldatu]
Kanpo lopurak[aldatu]
- (Frantsesez)(Gaztelaniaz) A desaparición da neve lanari buruzko iruzkina (Alfaguara, 2009)
Erreferentziak[aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
