María Antonia Peña

María Antonia Peña
	; Irudi gehiago
errektore	; 2017ko uztailaren 11 -
errektore
Bizitza
Jaiotza	La Línea de la Concepción, 1966 (57/58 urte)
Herrialdea	Espainia
Hezkuntza
Heziketa	Sevillako Unibertsitatea
Hizkuntzak	gaztelania
Jarduerak
Jarduerak	historialaria
Enplegatzailea(k)	Huelvako Unibertsitatea ; Huelvako Unibertsitatea (2017ko uztailaren 11 -

María Antonia Peña Guerrero (La Línea de la Concepción, Cádiz, 1966) Aro Garaikideko historialari katedraduna da Huelvako Unibertsitatean. 2017. urteko uztailean Huelvako Unibertsitateko errektore hautatu zuten, eta unibertsitate horretan postua hartu zuen lehen emakumea izan zen. Era berean, Andaluziako Unibertsitateko lehenego emakume errektorea izan zen.

Ibilbidea[aldatu | aldatu iturburu kodea]

Geografia eta Historian lizentziaduna da Sevillako Unibertsitatean, eta Historia Garaikideko katedraduna Huelvako Unibertsitatean. Unibertsitateko irakaslea da 1991tik.^[1] Bere lanen artean, jauntxokeria eta klientelismoa bezalako gaien ikerketa nabarmentzen dira. 'El sistema caciquil en la provincia de Huelva. Clase política y partido (1898-1923)/ Jauntxo-sistema Huelvan. Klase politikoa eta alderdiak (1898-1923)' analisiak IX. Díaz del Moral ikerketa-saria jaso zuen.^[1] 'Historia Cultural de la Corrupción Política en España y América Latina (siglos XIX y XX)/ Ustelkeria politikoaren historia kulturala Espainian eta Latinoamerikan (XIX. eta XX. mendeak)' proiektuaren ikertzaile nagusia izan da.

Hainbat ikerketa-egonaldi egin ditu Erroman, Londresen, Parisen, Habanan, Liman eta Bogotan. Ebaluazio eta Prospektiba Agentzia Nazionaleko ebaluatzailea da, eta Historia Garaikidearen Elkarteko, 'International Commision for the History of Presentative and Parliamentary Institutions' elkarteko eta Andaluziaren Bigarren Modernizaziorako Kontseilu Aholku-emaileko zuzendaritza-batzordeko kide izan da.

La Rábidako Egoitza Iberoamerikarreko zuzendaria izan zen, eta Andaluziako Nazioarteko Unibertsitateko Internazionalizazio eta Garapenerako Lankidetzako errektoreordea. Horrez gain, La Rábida taldeko lehen lehendakariordea ere izan zen, 63 unibertsitate iberoamerikarren lana biltzen duena. 2017. urteko uztailean, Huelvako Unibertsitateko errektore hautatu zuten. Unibertsitate horretan postua hartu zuen lehen emakumea izan zen, eta Andaluziako errektoreen historian lehen hautagaia izan zen. Hautagaikide Francisco Ruiz irakaslea izan zuen, kasu horretan, berriz hautatzeko aurkeztu zena .^[2] Peñak botoen %50,77rekin irabazi zuen, eta Francisco Ruizek, berriz, %45,78rekin. Ikasleen botoen bikoitza lortu zuen.^[2]

2018an, YoDona aldizkariak urtero argitaratzen dituen Espainiako 500 emakume garrantzitsuenen zerrendan sartu zen, artearen, kulturaren, ekonomiaren, politikaren edo gizartearen munduko emakumeekin.^[3]