Memoirs of a Geisha (filma)
Memoirs of a Geisha (euskaraz Geisha Baten Oroimenak) 2005eko Rob Marshall estatubatuar zinema zuzendariaren amodiozko drama bat da. Arthur Golden idazlearen Memoirs of a Geisha eleberrian oinarritua dago. Bertan, Zhang Ziyi, Ken Watanabe, Gong Li eta Michelle Yeoh aktoreek antzeztu zuten.
Filma Japonian girotua dago, Kalifornia, Kyoto hiriko hainbat kokalekutan filmatu zelarik, tartean Kiyomizu-dera eta Fushimi Inari-taisha.
Sei Oscar Sarietarako izendapenak jaso eta hiru irabazi zituen: Argazkigintza onenaren Oscar Saria (Dion Beebe), Zuzendaritza artistiko onenaren Oscar Saria (John Myhre eta Gretchen Rau) eta Jantzi-diseinu onenaren Oscar Saria (Colleen Atwood). Bi Urrezko Globo Sarietarako izendapenak ere jaso zituen, bat irabaziz: Jatorrizko musika onenaren Urrezko Globo Saria (John Williams). Sei BAFTA Sarirako izendapenak ere jaso zituen, hiru irabaziz: Argazkigintza, Zuzendaritza Artistiko eta Jantzi-diseinu onenaren BAFTA Sariak.
Argumentua
1929. urtea Japonia. Chiyo, 9 urteko neskatoa, Nitta Okiya geisharen etxean lan egin dezan saldua da. Satsu anai zaharrak nere arreba putetxe batera bidaltzea ez du onartuko. Okiyaren etxean dagoela, Chiyok Kalabaza ezagutuko du, bera bezala gheisa izateko irakasten ari zaien neskatoa, bai eta Hatsumomo (Gong Li) geisha eta haren arerioa den Mameha (Michelle Yeoh) geisha ere. Chiyoren (Zhang Ziyi) hastapenak latzak izango dira, baina bere bizitza laztana izango dena ere topatuko du, Presidentea (Ken Watanabe), une hartatik harengandik hurbilago egoteko asmoz Chiyo geisha ospetsua bilakatzen saiatuko delarik.
Aktoreak
- Zhang Ziyi: Sakamoto Chiyo/Nitta Sayuri
- Ken Watanabe: Iwamura Ken presidentea
- Gong Li: Hatsumomo
- Michelle Yeoh: Mameha
- Kōji Yakusho: Nobu
- Youki Kudoh: Kalabaza
- Kaori Momoi: Ama/Nitta andrea/Okasan
- Tsai Chin: Izeba
- Cary-Hiroyuki Tagawa: Baroia
- Suzuka Ohgo: Sakamoto Chiyo gaztea
- Kenneth Tsang: Jenerala
- Karl Yune: Koichi
Kanpo loturak
- Filmaren webgune ofiziala (Ingelesez)
- Memoirs of a Geisha filmaren IMDBko fitxa irakurgai (Ingelesez)
- Memoirs of a Geisha filmaren trailer edo iragarkia ikusgai (Ingelesez)
- Rob Marshallek zuendutako filmak
- Ameriketako Estatu Batuetako filmak
- Txinako Herri Errepublikako filmak
- Argazkigintza onenaren Oscar sariaren irabazleak
- Zuzendaritza artistiko onenaren Oscar sariaren irabazleak
- Jantzi-diseinu onenaren Oscar Saria
- Drama filmak
- Amodiozko filmak
- Liburuetan oinarritutako filmak
- Prostituzioari buruzko filmak
- Japonian girotutako filmak
- Ingelesezko filmak
- Japonierazko filmak
- 2005eko filmak