Michigan (aintzira)

Michigan Lake Michigan (ingelesez)
Sartaldea.
Kokalekua	AEB
Garaiera	176 m
Eremua	58.016 km²
Zabalera	494 km
Luzera	190 km
Bataz besteko sakonera	85 m
Gehienezko sakonera	282 m
Ertzaren luzera	2.633 km
Uharteak	5
Hiriak	Milwaukee Chicago

Michigan Amerikako Aintzira Handietako bat da, osorik Ameriketako Estatu Batuetan dagoen bakarra. Mendebaldetik ekialdera, Wisconsin, Illinois, Indiana eta Michigan estatuetako lurretan ditu ur ertzak. Michigan izenak, jatorriz, «aintzira» besterik ez du esan nahi, ojibweraz mishigami izenak «ur handia» esan nahi baitu.

Aintzira, hedaduraz, Kroazia baino pixka bat handiagoa da.

Mackinaceko kanalak Huron eta Michigan aintzirak lotzen ditu, biak maila berean izaki. Geologikoki eta hidrologikoki ur multzo bera dira, horrexegatik batzuetan Michigan-Huron aintzira deritze.

Hiri nagusiak

Ia 12 milioi biztanle ditu bere kostetan. 30.000 biztanle baino gehiagoko hiriak honako hauek dira:

Illinoisen Chicago Evanston Highland Park North Chicago Waukegan

Indianan East Chicago Gary Hammond Michigan City Portage

Michiganen Holland Muskegon St. Joseph Benton Harbor

Wisconsinen Green Bay Kenosha Manitowoc Milwaukee Racine Sheboygan

Uharteak

• Beaver uhartea.
• Ipar Manitou uhartea.
• Hego Manitou uhartea.
• Washington uhartea.
• Rock uhartea.

Ikus, gainera

Amerikako Aintzira Handiak