Mixu

Patrick Mixelena
Datuak
Ezizenak	Mixu Mustafa
Jaioterria	Donibane Lohizune
Jaiotza data	1970
Heriotza herria	Baiona
Heriotza data	2009ko urtarrilaren 2a
Musika mota	rock, ska
Webgunea	http://www.sustraia.fr/

Patrick Mixelena, batez ere Mixu goitizenez ezaguna, (Donibane Lohizune, Lapurdi, 1970 - Baiona, Lapurdi, 2009ko urtarrilaren 2a) euskal abeslaria zen.

Biografia

Donibane Lohizunen jaio eta Urruñan bizi izan zen. Familia senpertarra zuen amaren aldetik, Matxin Irabola bertsolariaren birriloba zen eta lotura handia atxiki izan zuen Senpererekin.

1986an Xabaltxekin Ipar Haize pop-folk taldea sortu zuen eta 1989an taldean desegin zuten. 1990ean Izan musika taldearekin hasi zen eta bi urtez egon zen han. Urruñako Kuxkuxtu txarangan aritu zen ere zortzi urtez. Hala ere, Sustraia taldearekin izan zuen arrakasta gehien. 1992an sortua, Mustafa kantak arrakasta handia izan zuen eta horren ondorioz, hainbat urtetan Mustafa goitizenez deitu izan zioten Mixuri.

2007an diskoa atera zuen bakarlari gisa. Urte berean MMX proiektua sortu zuen Maialen Errotabehere ezpeletarra eta Xabaltx zuraidarrarekin batera. Hego Amerikan zehar bira egin zuten.

2009ko urtarrilaren 2an Aviron Bayonnais/Castres partidaren hasieran, Mixuk Avironen maskotarekin batera Aviron Bayonnais errugbi taldearen Peña Baiona ereserkia kantatzeko ardura zuen. Kantatu zuen eta handik gutxira bihotzekoak jota hil zen. Bi semeren aita zen.

Diskografia

Sustraia taldearekin

• Segi segi (Agorila, 1995)
• Euskal label (Oihuka, 1996)
• Sustraia - live (Agorila, 1997)
• Bi mila (MSI, 2000)
• Ze bizia (Agorila, 2004)
• Beti bidean (Agorila, 2005)
• Sustraia in live (Agorila, 2008)

Bakarka

• Mixu (Agorila, 2008)

MMX

• MMX (Agorila, 2008)

Ikus, gainera

• Xabaltx
• Matxin Irabola

Kanpo loturak

• (Frantsesez) Sustraia taldearen webgunea
• (Frantsesez) Sustraia taldearen MySpacea

• Datuak: Q12263737