Zuraide

Artikulu hau Lapurdiko herriari buruzkoa da; Nafarroako herria gaitzat duena beste hau da: Zudairi

Zuraide
Lapurdi
Zuraideko Herriko Etxea.
Izen ofiziala	Souraïde
Estatua Eskualdea Departamendua Barrutia Kantonamendua	Frantzia Akitania Pirinio Atlantikoak (64) Baiona Ezpeleta
Alkatea	Louis Genin (2008-2014)
Herritarra	zuraidar
Koordenatuak	43°20′34″N 1°28′25″W
Eremua	16,86 km2
Garaiera	40-363 m
Distantzia	20 km Baionara
Posta kodea	64250
INSEE kodea	64527
Biztanleria	1.082 bizt.
Dentsitatea	64,18 bizt./km²

Zuraide Lapurdiko udalerria da, Lapurdi Garaiean kokatua.

Geografia

Ingurune naturala

Urdazurira isurtzen diren Amezpetuko eta Opalazioko errekak udalerritik igarotzen dira. Era berean, Errobiren ibaiadarra den Zubizabaleta errekak ere udalerria gurutzatzen du. Azkenik, Antzara errekaren ibaiadarra den Urloko erreka ere igarotzen da Zuraidetik.

Udalerri mugakideak

• Uztaritze iparraldean
• Ezpeleta ekialdean
• Ainhoa hegoaldean
• Senpere mendebaldean

Etxeak eta Auzoak

• Eliza
• Otsantza
• Zabaltza
• Plaza
• Amezpetu

Historia

Frantziar Iraultzaren garaian, udalerriak Mendialde izena hartu zuen. Izualdian, Zuraideko biztanleak, Ainhoa, Azkaine, Ezpeleta, Itsasu eta Sarakoekin batera deportatuak izan ziren Landetara eta bertako alkatea gillotinatua izan zen.

Demografia

Biztanleriaren bilakaera 1793 1800 1806 1821 1831 1836 1841 1846 1851 552 465 564 554 556 524 568 656 634 1856 1861 1866 1872 1876 1881 1886 1891 1896 635 611 569 580 600 610 568 496 494 1901 1906 1911 1921 1926 1931 1936 1946 1954 479 502 535 526 503 460 455 497 473 1962 1968 1975 1982 1990 1999 2007 - - 482 548 620 777 937 1.082 1.177 - -

Oharra: 2007ko biztanleria INSEEk emandako behin-behineko datua da

Ekonomia

Udalerria Ezpeletako piperraren sor-markako lurren barnean dago. Udalerriko lurretan ofita harrobi bat aurki daiteke.

Ondasun nabarmenak

• Herriko Etxea, XVI. mendeko etxe batean dago kokaturik. Antzinean prioretxea izan zen eta ondoren abade-etxea, 1905ean udaletxe bihurtu baino lehen.

• Donejakue elizaren jatorria XII. mendean dago. Udalerria, Baztango bidean, Donejakue Bidearen bide batean dago kokaturik, zeinetan erromesek, Pirinioak ahalik eta mendebalderen gurutzatzen zuten, baita porturik baxuenetik ere (Belateko portua, 847 m).

Argazki galeria

• 

  Donejakue eliza

• 

  Herriko etxea

• 

  Pilotalekua

• 

  Ursuia mendiaren ikuspegia