Mutaz Essa Barshim

Atletismoa
Kirol diziplinak	gorako jauzia
Errekorrak
Marka pertsonalak

Mutaz Essa Barshim
	; Irudi gehiago
Bizitza
Jaiotza	Doha, 1991ko ekainaren 24a (32 urte)
Herrialdea	Qatar
Jarduerak
Jarduerak	gorako jauzilaria eta atleta
Atletismoa
Kirol diziplinak	gorako jauzia
Errekorrak
Marka pertsonalak
	Parte-hartzailea 2010 Asian Games (en) ; athletics at the 2012 Summer Olympics – men's high jump (en) (2.); athletics at the 2016 Summer Olympics – men's high jump (en) (2.); Atletismoa 2020ko Udako Olinpiar Jokoetan - Gizonezkoak gorako jauzia (1.) ;
Pisua	65 kilogramo
Altuera	189 zentimetro
	mutazbarshim.net

Mutaz Essa Barshim (arabieraz: معتز عيسى برشم‎, Muʿtazz ʿĪsā Baršim; Doha 1991ko ekainaren 24a) Qatarko altuera jauzilaria da, 2020ko Udako Olinpiar Jokoetan urrezko domina eskuratu zuena Gianmarco Tamberi italiarrarekin batera. Asiako errekorraren jabe ere bada.

Biografia[aldatu | aldatu iturburu kodea]

Aita ere atleta zuen eta kirol talde baten arduraduna zen. Txikitan lasterketan eta luzera jauziak egiten aritu zen eta 15 urte zituela erabaki zuen altuera jauzia praktikatzen hastea. 2009an gaur egungo entrenatzailearekin hasi zen lanean, "Stanley" Szczyrba poloniarrarekin eta uda hartan Polonia eta Suedia artean aritu zen entrenatzen. 2010an Asiako txapelketan urrezko domina eskuratu zuen.

Londresko 2012ko Olinpiar Jokoetan debuta egin eta parte hartzaile gazteena bazen ere brontzezko domina lortu zuen. Qatarko atletismoaren historiako bigarren domina izan zen^[1]. 2013an 2'40m egin zuen salto, historiako zortzigarren atleta marka hori lortzen zuena.

2016ko Olinpiar Jokoetan zilarra lortu zuen^[2] eta 2017an munduko txapelketa irabazi zuen Londresen, 2019an berriz lortu zuena.

2020ko Udako Olinpiar Jokoetan amaierara Gianmarco Tamberi italiarrarekin berdinduta iritsi zen. 2'37 metrotako jauzira nulorik egin gabe iritsi ziren biak eta 2'39 metrotakoan hiruna huts egin zituzten. Epaileak jauziak egiten jarraitzeko proposatu zien berdinketa hautsi arte, bestela urrezko domina elkarbanatuko zutela. Azkenean biek urrezko domina elkarbanatzea erabaki zuten^[3]. Olinpiar Jokoetako irudi adierazgarrietako bat bihurtu zen. 113 urtean horrelako egoera bat gertatu zen bigarren aldia izan zen.

Palmaresa[aldatu | aldatu iturburu kodea]

Udako Olinpiar Jokoak
Txapelketa	Domina	Kategoria	Marka
Londres 2012	03 !	altuera jauzia	2'29m
Rio 2016	02 !	altuera jauzia	2'36m
Tokio 2020	01 !	altuera jauzia	2'37m
Munduko txapelketak
Txapelketa	Domina	Kategoria	Marka
Mocton 2010 (gazte mailakoa)	01 !	altuera jauzia	2'30m
Mosku 2013	02 !	altuera jauzia	2'38m
Sopot 2014 (Indoor)	01 !	altuera jauzia	2'38m
Londres 2017	01 !	altuera jauzia	2'35m
Birmingham 2018 (Indoor)	02 !	altuera jauzia	2'33m
Doha 2019	01 !	altuera jauzia	2'37m