Nadar
Nadar, jaiotza-izenaz Gaspard-Félix Tournachon (Paris, Frantzia, 1820ko apirilaren 6a - Paris, Frantzia, 1910eko martxoaren 23a), argazkilari frantsesa izan zen.
Biografia
Medikuntza ikasketak erdi eginean utzi, eta argazkigintzari eta karikaturak egiteari ekin zion. Urte gutxiren buruan Parisko argazkilaririk ezagunena egin zen; izen handiko jende asko biltzen zen Parisen zuen estudioan. Balzac, Delacroix, Rossini, Wagner, Baudelaire, Gautier eta Bakuninen argazkiak egin zituen, besteak beste. Bera izan zen Paris airetik (globotik) argazkiz hartu zuen lehena (1858), eta baita argazkiak egiteko argi artifiziala erabili zuten lehenetakoa ere. Journal Illustré aldizkaria sortu zuen bere seme Paulekin.
Wikimedia Commonsen badira fitxategi gehiago, gai hau dutenak: Nadar |
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.