New Orleans Saints

Wikipedia(e)tik
Hona jo: nabigazioa, Bilatu

New Orleans Saints (euskaraz: New Orleansko Santuak) National Football Leaguen jokatzen duen amerikar futboleko taldea da. Louisianako New Orleans hiriko taldea da. 1967an sortua izan zen eta Louisiana Superdome futbol-zelaian jokatzen dute. 2010ean irabazi zuten lehendabiziko aldiz Super Bowla.

Historia[aldatu | aldatu iturburu kodea]

2005eko Katrina urakana[aldatu | aldatu iturburu kodea]

2005eko Katrina urakanak gogor astindu zituen Louisianako eta Mississippiko estatuak hondamendi izugarri bat sortuz. Horrek, New Orleans Saints taldeari aldi baterako kokaleku berri bat bilatzera behartu zuen, New Orleans hiria txikiturik baitzegoen. Azkenean, San Antonion, Texasen, kokatu ziren nahiz eta partidu batzuk Baton Rougen, Louisianako hiriburuan, jokatu zituzten. Denboraldi horretan 3 partidu irabazi eta 13 galdu zituzten.

Tom Benson taldearen jabeak New Orlean Saints taldea Los Angelesera betirako eramateko zorian egon zen, baina NFLk galarazi zuen.

XLIV. Super Bowla[aldatu | aldatu iturburu kodea]

2010ean Super Bowl izeneko National Football Leagueren txapelketaren finala jokatu zuten Miamin, Floridan, Indianapolis Colts taldearen aurka eta 31-17 irabazi zuten, taldearen lehenengo txapelketa lortuz.