Périgueux

Périgueux
Akitania
Izen ofiziala	Périgueux
Estatua Eskualdea Departamendua Barrutia	Frantzia Akitania Dordoina (24) Périgueux (burua)
Alkatea	Michel Moyrand (2008-2014)
Koordenatuak	45°11′6″N 0°43′8″E
Périgueux
Eremua	9,82 km2
Posta kodea	24000
Biztanleria	29.416 bizt. (2007)
Dentsitatea	2.995,52 bizt./km²
INSEE kodea	24322
http://www.ville-perigueux.fr/

Périgueux frantsesez edo Periguers okzitanieraz Frantziako hego-mendebaldean eta barrualdean dagoen hiria da, Dordoinako departamenduan eta Akitaniako eskualdean kokatutakoa. Departamenduko prefektura dauka eta 29.416 biztanle zituen 2007ean.

Isle ibaiak hiria zeharkatzen du eta Périgord blanc delakoaren erdigunea da.

Kultura

Ondarea

Saint-Fronteko katedrala, Pont des Barris zubitik ikusita.

Vesunna antzinako hiri erromatarraren gainean eraikitakoa da Périgueux, eta gaur egun haren ondar batzuek zutik diraute, ondare horren zati bat museo baten barruan ikusgai dagoelarik. Aipatzekoa da Arte eta Arkeologia museoa halaber.

Bestela, Saint-Fronteko katedral erromanikoa azpimarratzekoa da, eta estilo berekoa da Saint-Étienne eliza, hiriko lehendabiziko katedrala izandakoa.

Musika

Bestelako jaialdien artean nabarmena da "Festival Sinfonia en Périgord" izenekoa, 1990etik abuztuan antolatzen dutena eta musika barrokoari dedikatutakoa.

Demografia

Hiri aglomerazioa

2006an 64.441 biztanle zituen hiri-aglomerazioak, eta bederatzi udalerrik osatzen du Périgueux berarekin batera: Champcevinel, Chancelade, Coulounieix-Chamiers, Marsac-sur-l'Isle, Notre-Dame-de-Sanilhac, Trélissac, Bassillac eta Boulazac.

Bilakaera

Périgueux-eko biztanleria

1896	1901	1911	1921	1931	1946	1954	1962	1975	1982	1990	1999	2006
31.313	31.976	33.548	33.144	33.988	40.865	40.785	38.529	35.120	32.916	30.280	30.152	29.558

Kanpo loturak

• (Frantsesez) Hiriko udal webgunea
• (Frantsesez) Sinfonia jaialdiaren webgunea