Pierre Dervaux
Wikipedia(e)tik
Pierre Dervaux (Juvisy-sur-Orge, Frantzia, 1917 - Marseilla, Frantzia, 1992) orkestra-zuzendaria izan zen. Pianoa eta Perkusioa ikasi zituen Parisko kontserbatorioan. Tinbal-jotzaile hasi zen, baina gero orkestra-zuzendaritzat jarraitu zuen. Quebeceko Orkestra Sinfonikoa, Loireko Herrialdeetako Orkestra Filarmonikoa eta Nizako Orkestra zuzendu zituen, besteak beste. Sobietar Batasunean, Estatu Batuetan nahiz Japonian ibili zen. Orkestra-zuzendaritzako irakasle izan zen Parisko Musika Eskolan, Montrealgo Kontserbatorioan eta Nizako Udako Eskolan. Frantziar musikarekiko zaletasun berezia izan zuen, batez ere, Ravel, Schmitt, Indy eta Rousselen musikarekiko, bere sentikortasunari oso ondo egokitzen zaiolako edo.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
