Planet of the Apes (1968ko filma)

Planet of the Apes (euskaraz Simioen Planeta) 1968ko Franklin J. Schaffner estatubatuar zinema zuzendariaren zientzia-fikziozko filma bat da. Pierre Boulle idazlearen Planet of the Apes eleberrian oinarritua dago. Bertan, Charlton Heston, Roddy McDowall, Maurice Evans, Kim Hunter, James Whitmore, James Daly eta Linda Harrison aktoreek antzeztu zuten.

Garai hartan Charlton Heston jada adineko aktorea bilakatu zen eta garai hartan modan zeuden zientzia-fikziozko filmen gurdira igo eta filma honetaz gain The Omega Man (1971) eta Soylent Green (1973) filmak ere antzeztu zituen, hain zuzen hiruak gaur egun genero honetako kultuzko filmak bilakatuak.

Argumentua

Taylor (Charlton Heston), Landon (Robert Gunner), Stewart (Dianne Stanley) eta Dodge (Jeff Burton) astronautak heuren Icarus izeneko espaziontzian 2.006 urte iraun dituen hibernazio eta argiaren abiaduran burututako bidaiaren ondoren planeta ezezagun batera iritsi berri dira. Taylorren ustez, topatutako planeta Lurretik 320 argi-urtera omen dago eta Orion konstelazioko izar baten inguruan biraka omen dabil.

Planeta honetan Taylorrek bertako gizaki mutuak esklabotzat dituen tximino espezien zibilizazioa topatuko du. Zintzurrean zauritua izatearen ondorioz ez da mintzatzeko gai, hortaz tximinoek Taylor ere heuren morroi egingo dute. Behin zauria sendatu eta berriz ere mintzatzeko gai denean, Zira (Kim Hunter) izeneko psikologoa den tximino eme bat eta haren bikotekidea de Conelius-en (Roddy McDowall) laguntzaz matxinatu egingo da.

Filmaren amaiera zinemaren historiako ahaztezin eta harrigarrienetakoa da, Gerra Hotzaren aurkako aldarrikapen edota salaketatzat jo ohi delarik.

Aktoreak

• Charlton Heston: George Taylor
• Roddy McDowall: Cornelius
• Kim Hunter: Zira
• Maurice Evans: Zaius doktorea
• James Whitmore: Biltzarreko presidentea
• James Daly: Honorious
• Linda Harrison: Nova
• Robert Gunner: Landon
• Lou Wagner: Lucius
• Woodrow Parfrey: Maximus
• Jeff Burton: Dodge
• Buck Kartalian: Julius
• Norman Burton: Hunt Leader
• Wright King: Galen doktorea
• Paul Lambert: Ministroa
• Dianne Stanley: Stewart (ez da kredituetan agertzen)

Jarraipenak

Beneath the Planet of the Apes (1970), Escape from the Planet of the Apes (1971), Conquest of the Planet of the Apes (1972) eta Battle for the Planet of the Apes (1973) izeneko jarraipenak izan zituen. 2001an Tim Burton zuzendariak izen berdineko Planet of the Apes berregokitzapena filmatu zuen, honako honetan Mark Wahlberg, Tim Roth eta Helena Bonham Carter aktoreek antzeztu zutelarik, gainera jatorrizko filma honetako Charlton Heston eta Linda Harrison aktoreek ere paper bana antzeztu zituzten. Bestalde, 2010an Rise of the Planet of the Apes izeneko jarraipena izen zuen, bertan istorio honetako jatorria edo hasiera kontatzen delarik.

Kanpo loturak

Wikimedia Commonsen badira fitxategi gehiago, gai hau dutenak: Planet of the Apes (1968ko filma)

• Planet of the Apes filmaren IMDBko fitxa irakurgai (Ingelesez)
• Planet of the Apes filmaren trailer edo iragarkia ikusgai. Youtube.com (Ingelesez)