Sorrento

Wikipedia(e)tik
Hona jo: nabigazioa, Bilatu

Sorrento

Sorrento
Estatua ItaliaItalia
Probintzia Napoles
Koordenatuak

40°38′N 14°23′E / 40.633°N 14.383°E / 40.633; 14.383Koordenatuak: 40°38′N 14°23′E / 40.633°N 14.383°E / 40.633; 14.383

Sorrento non dagoen adierazten duen Italia-ko/-go/-eko mapa
Sorrento
Eremua 9,93 km²
Garaiera 50 m
Posta kodea 80067
Biztanleria 16.572 bizt. (2009)
Dentsitatea 1.668,88 bizt./km²
Telefono aurrizkia 081
http://www.comune.sorrento.na.it/

Sorrento[1] (napolieraz: Surriento) Italiako udalerri bat da; Sorrentoko penintsulako iparraldeko kostaldean dago, Campania eskualdeko Napolesko probintzian.

Turismo-erakargarritasun handia dauka, besteak beste itsaslabar ikusgarriak daudelako. Luxuzko turismoa ere badago, goi-mailako hotelekin.

Geografia[aldatu | aldatu iturburu kodea]

Gaur egun turismorako helmuga turistiko ospetsua da. Napolestik eta Ponpeiatik erraz heltzen da. Napolesko golkora jotzen du, eta Sorrentoko penintsulako gune estrategikoan dago. Besteak beste, Napoles eta Vesubio mendia ikusten diren begiratokiak daude.

Garraioz, ferryek eta aerolabaingailuek lotzen dute udalerria Napoles, Amalfi, Positano, Capri eta Ischiarekin.

Klima[aldatu | aldatu iturburu kodea]

Datu klimatikoak (Sorrento)
Hila Urt Ots Mar Api Mai Eka Uzt Abu Ira Urr Aza Abe Urtekoa
Batez besteko tenperatura maximoa (°C) 13 13 15 18 23 26 29 30 26 22 17 14 20
Batez besteko tenperatura minimoa (°C) 4 4 6 8 12 16 18 18 15 12 8 5 10
Pilatutako prezipitazioa (mm) 104 99 86 76 51 33 25 41 81 130 163 122 1011
Iturria: Intellicast[2]

Historia[aldatu | aldatu iturburu kodea]

Jatorriz, Sorrento Greziakoa zela diote adituek; "Surrentum" zeukan izena. Gerora antzinako erromatarren esku egon zen, K.a. 89. urtetik aurrera, grekoen eragin handiz. Sorrentok aurrerapen handiena Erromatar Inperioaren aroan izan zuen, Capri Zesar Augustoren eta Tiberioren egoitza kutunena zenean. Artzapezpiku-hiri izan zen 420. urtetik aurrera. Edozein modutan ere, herrialde eta agintari askoren esku egon zen aurrerantzean: bizantziarrak, lombardiarrak, normandiarrak, musulmanak, espainiarrak, Napolesko Errepublika; eta 1861. urtetik aurrera, Italiakoa da.

Merkataritza-gune handia zegoen Sorrenton. Ospetsuak ziren bertan ekoiztutako ardoak, eta arrantza ere jarduera nagusia zen. Kokagune estrategikoan zegoen: itsaslabarrek zaintzen zuten herria, eta gainera harresia ere eraiki zuten herriaren hego-ekialdean.

Ekonomia[aldatu | aldatu iturburu kodea]

Sorrentoko ekonomiaren diru-iturri nagusiak turismoa (kulturakoa nahiz hondartzakoa), nekazaritza (intxaurrak, mahatsa, olibondoa, limoiak eta abar), elikagaigintza eta egurrez egindako eskulanak dira.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Sorrento Aldatu lotura Wikidatan