Campania
|
Campania |
|
|---|---|
 |
|
| Hiriburua | Napoli |
| Probintziak | Avellino Benevento Caserta Napoli Salerno |
 |
|
| Eremua | 13.595 km² |
| Biztanleria | 5.701.931 (2005) |
| Dentsitatea | 419,4 bizt / km² |
| Udalerriak | 551 |
| Eskualdeko burua | Antonio Bassolino - |
| www.regione.campania.it | |
Campania Italiako eskualdea da, herrialdearen hegoaldean, Tirreniar Itsasoaren ertzean. 13.595 km2 eta 5.701.931 biztanle (2005) zituen. Biztanle-dentsitatea Italiako gorena bada ere, ez dago Campaniako probintzia guztietan berdin banatua.
Eduki-taula |
[aldatu] Orografia
Kostaldeko lautaden artean (Napoli, Paestum) altxatzen da Vesuvioko sumendia. Hegoaldean Sorrentoko penintsula dago. Barnealdea menditsua da (Matese, Cilento). Ibai nagusiak Garigliano, Volturno eta Sele dira.
[aldatu] Ekonomia
Abeltzaintza eta baso-ustiapena dira barnealdeko ekonomia-jarduera nagusiak. Apenino mendietako ordokia oso emankorra da: laboreak, fruta-arbolak, mahastiak, olibondoak eta barazkiak lantzen dira bertan. Italia hegoaldeko industria-eskualderik handiena da Campania: altzairugintza, ontziolak, petrolio-findegiak (Napoli eta Salernoko hirialdeetan, batez ere). Turismoak garrantzi handia du (Napoli, Vesuvio, Capri, Ponpeia, Herkulano eta Paestum).
[aldatu] Historia
Oskoak eta ausoniarrak bizi ziren antzina herri hartan. K. a. VIII. mendetik aurrera Greziaren kolonia izan zen (Cumes, Paestum, Parthenope-Napoli, Pozzuoli hiriak sortu zituzten) eta etruriarrak nagusitu ziren ondoren (Herkulano eta Ponpeia hiriak hartu zituzten eta Capua sortu zuten). Samnitek konkistatu zuten K. a. V. mendean eta erromatarrek kolonizatu K. a. 300. urte aldera. Erromatar Inperioa deuseztatu zenean, ostrogodoen, bizantziarren, lonbardiarren eta normandiarren eskuetan egon zen. XII. mendetik aurrera, Campaniako historia Siziliako eta Napoliko erresumarekin lotua egon zen. 1860. urtetik aurrera, Italiako lurraldea izan da Campania.
[aldatu] Probintziak
[aldatu] Kanpo loturak
 |
Italiako eskualdeak | |
|---|---|---|
|
Abruzzo • Aostako Harana • Apulia • Basilicata • Calabria • Campania • Emilia-Romagna • Friuli-Venezia Giulia • Lazio • Liguria • Lombardia • Markak • Molise • Piemonte • Sardinia • Sizilia • Toskana • Trentino-Adige Garaia • Umbria • Veneto |
||
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
