Valentín García Yebra

Valentín García Yebraren erretratua

Valentín García Yebra (Lombillo de los Barrios, Leon, Espainia, 1917 - Madril, Espainia, 2010) espainiar itzultzaile eta idazlea izan zen.

Biografia

Filosofia eta letretako ikasketak egin zituen Madrilgo Unibertsitatean. 1945ean, Santanderko Institutuko grezierako katedra atera zuen oposizio-azterketa bidez. Garai hartan, eskolak emateaz gainera, itzulpenak egiten hasi zen, bai testu klasikoenak bai hizkuntza bizienak ere. 1947an, Espainiako Zientzia Ikerketarako Batzorde Gorenean lan egiten hasi zen. Arbor aldizkariko zuzendari izan zen, eta Boletín de Información Documental sortu zuen. 1955eko abuztutik 1966ko irailera, Espainiako Institutu Politeknikoko zuzendaria izan zen, Tangerren. 1964an Belgikako Itzulpen Sari Nazionala irabazi zuen, Charles Moellerren Literatura del siglo XX y cristianismo obraren bertsioarengatik. 1966tik 1969ra, Calderón de la Barca institutuko zuzendari izan zen. 1971n Ibáñez Martín saria lortu zuen, Aristotelesen Metafisika obraren hiru hizkuntzatako argitalpenarengatik. 1974an, bere ekimenez, Hizkuntza Hilen eta Itzultzaileen Unibertsitate Institutua sortu zen, Madrilgo Unibertsitate Complutensean. 1982an, Espaniako Hizkuntza Akademiak Nieto López saria emateko erabakia hartu zuen aho batez, eta 1998an, Espainiako Itzulpen Sari Nazionala eman zioten bere bizitzan egindako lan guztiarengatik.

Obra nagusiak: Teoría de la traducción (Itzulpen-teoria); En torno a la traducción. Teoría. Crítica. Historia (1983, Itzulpenaren inguruan. Teoria. Kritika, Historia), Traducción y estilo (Itzulpena eta estiloa), Dante y la cultura clásica (Dante eta kultura klasikoa) eta El leonés de los Ancares (Ankaresetako leonera).

Obra

Itzulpenak

• Aguiar e Silva, Vítor Manuel de, Teoría de la literatura (1996). ISBN 84-249-0045-6
• Aristóteles, Metafísica de Aristóteles (versión trilingüe), (1997). ISBN 84-249-2176-3
• Poética de Aristóteles (versión trilingüe), (1992). ISBN 84-249-1200-4
• César, Cayo Julio, Guerra de las Galias (1985/2001)
• Guerra de las Galias (1996/1999)
• Cicerón, Marco Tulio, De Amicitia, anotado (1987). ISBN 84-249-3396-6
• Gilson, Étienne, El realismo metódico (Encuentro Ediciones, S.A., 1997). ISBN 84-7490-460-9
• Giordano, Oronzo, Religiosidad popular en la Alta Edad Media (1983). ISBN 84-249-0340-4
• Le Fort, Gertrud von, Himnos a la iglesia (Encuentro Ediciones, S.A., 1995). ISBN 84-7490-357-2
• El velo de Verónica (Encuentro Ediciones, S.A., 1998). ISBN 84-7490-499-4
• Moeller, Charles, Literatura del siglo XX y cristianismo. ISBN 84-249-3337-0
• Schleiermacher, Friedrich, Sobre los diferentes métodos de traducir (2000). ISBN 84-249-2272-7
• Séneca, Lucio Anneo, Medea (1982, 2ª. edic./2001, 3ª. edic., 1ª. impr.). ISBN 84-249-0330-7/ISBN 84-249-2311-1

Itzulpen-teoria eta gramatika

• "Traducción y estilo", comunicación presentada al X Congreso Internacional de Lingüistas (1967)
• Traducción y enriquecimiento de la lengua del traductor (1985 R.A.E./2004 Gredos). ISBN 84-249-2712-5
• Claudicación en el uso de preposiciones (1988). ISBN 84-249-1277-2
• En torno a la Traducción. Teoría. Crítica. Historia (1989). ISBN 84-249-0895-3
• Traducción: Historia y Teoría (1994). ISBN 84-249-1653-0
• Teoría y Práctica de la Traducción (2 volúmenes), (1997). ISBN 84-249-1840-1
• Diccionario de galicismos prosódicos y morfológicos (1999). ISBN 84-249-1999-8
• Documentación, terminología y traducción (Editorial Síntesis, S.A., 2000). ISBN 84-7738-748-6
• El buen uso de las palabras (2009). ISBN 978-84-249-3607-5
• Gonzalo García, Consuelo, et. al., Manual de documentación para la traducción literaria (Arco Libros, S.L.,2005). ISBN 84-7635-600-5
• Experiencias de un traductor (2006). ISBN 84-249-2799-0