Willebrord Snel van Royen

Wikipedia(e)tik
Hona jo: nabigazioa, Bilatu
Willebrord Snel van Royen

Willebrord Snel van Royen (Leiden, 1580ko ekainaren 13a - Leiden, 1626ko urriaren 30a) Snellius bezala ere ezaguna, astronomo eta matematikari herbeheretar bat izan zen, bere izena daraman errefrakzioaren legeagatik ezaguna.

Lurraren tamainari buruzko aurkikuntza garrantzitsuak sartu eta Kalkuluari aplikatutako metodoan hobekuntzak egin zituen.

Leideneko unibertsitatean Zuzenbide ikasketak hasi arren, matematikengatik interes handia agertu zuen, bere ikasketetan ari zenean ere erakusten zuen diziplina. 1613an, bere aita Rudolph Snel (1546-1613 ordeztu zuen Leideneko unibertsitateko matematika irakasle bezala. 1615ean, triangelaketa bidez kalkulaturiko meridiano arku baten luzeraren adierazpenaren bidez Lurraren erradioa neurtzeko metodo berri bat ideiatu eta aurrera eraman zuen, geodesiaren sorreratzat hartzen den lana, bere idazlan Eratosthenes Batavus, sive de terræ ambitus vera quantitaean, 1617an argitaratua, erabilitako metodoa eta lortutako emaitza deskribatzen ditu (107,395 km gaur egungo 111ren aurrean). Gainera, Snel, matematikari bezala nabarmendu zen, antzinako jakitun greziarrek πren kalkulurako erabilitako metodoa hobetuz; 96 aldeko poligono batekin 7 emaitza zuzen lortu zituen, metodo klasikoekin, 2 baino lortu ez ziren bitartean. 1621ean, argiaren errefrakzioaren legea adierazi zuen, Christiaan Huygensen arabera, (Dioptrika 1703) Rene Descartesi aurreratuz, hasieran, aurkikuntza, azken honi eman zitzaiolarik 1637an argitaratuz.

Lurraren tamaina zehazteko bere lanez gain, Cyclometria sive de circuli dimensione (1621, eta Tiphys Batavus argitaratu zituen, nabigazioari buruzko tratatua non loxodromia aztertzen duen (1624); Coeli et siderum in eo errantium observationes Hassiacae (1618) Hesseeko William IV.a landgravearen behaketa astronomikoekin eta Villebrordi Snelli doctrinaæ triangulorum canoniæ libri quatuor (1627) bera hil ondoren argitaratutako trigonometriari buruzko tratatua.

Bere omenez, Ilargiko krater batek Snellius izena darama.

Commonsen badira fitxategi gehiago, gai hau dutenak: Willebrord Snel van Royen Aldatu lotura Wikidatan