Eli Eduardo de Gortari
| Eli Eduardo de Gortari | |
|---|---|
| Bizitza | |
| Jaiotzako izen-deiturak | Eli Eduardo de Gortari de Gortari |
| Jaiotza | Mexiko Hiria, 1918ko apirilaren 28a |
| Herrialdea |  Mexiko |
| Heriotza | Mexiko Hiria, 1991ko uztailaren 29a (73 urte) |
| Hezkuntza | |
| Heziketa | Mexikoko Unibertsitate Nazional Autonomoa |
| Hizkuntzak | gaztelania |
| Jarduerak | |
| Jarduerak | ingeniaria, filosofoa eta matematikaria |
Eli Eduardo de Gortari (Mexiko Hiria, 1918ko apirilaren 28a - 1991ko uztailaren 29a) mexikar filosofo eta politikaria izan zen.
Ingeniaritza-, matematika- eta filosofia-ikasketak egin zituen Mexikoko Unibertsitate Nazional Autonomoan. Filosofiaren ikuspegitik, Marxen pentsamenduaren hedatzaile nagusietako bat izan zen Mexikon, eta logika dialektikoa ikerkuntzara zabaldu zuen. Antropologiaren filosofo gisa, historian zehar sortu diren gizakiaren ideiak bere izatearen baldintza errealekin bat ote datozen jakiten saiatu zen. Filosofia lan zientifikoaren eta beste diziplina sozialen oinarritzat izanik, Gortarirentzat filosofiaren objektibotasunaren auzia funtsezkoa zen jakintzaren azterketa kritikoa egingo bazen. Filosofia marxistaren aldekoa izanik, Ureztapen Langileen Sindikatu Nazionalaren sorreran parte hartu zuen, eta Mexikoko Alderdi Komunistako militante izan zen urteetan. Halaber, Askatasun Demokratikoen Aldeko Maisuen Koalizioaren sortzaileetako bat izan zen (1968). Unibertsitateko ikasleen alde egin zuen, irakaskuntzaren erreformaren eta modernizazioaren aldeko eskakizunetan, eta hori zela-eta, 1968an, kartzelan sartu zuten, 42 egunez, Mexiko Hiriko Lecumberriko espetxean.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
