Roberto Goyeneche

Roberto Goyeneche
Irudi gehiago
Bizitza
Jaiotza	Urdinarrain (en) , 1926ko urtarrilaren 29a
Herrialdea	Argentina
Heriotza	Buenos Aires, 1994ko abuztuaren 27a (68 urte)
Hobiratze lekua	Mausoleum of the Argentine Society of Authors and Composers (en)
Heriotza modua	: pneumonia
Hezkuntza
Hizkuntzak	gaztelania
Jarduerak
Jarduerak	abeslaria, aktorea eta gitarra-jotzailea
Izengoitia(k)	Polaco
Genero artistikoa	tangoa
Musika instrumentua	ahotsa

Roberto Emilio Goyeneche, euskal grafiaz Roberto Emilio Goienetxe (Saavedra, 1926ko urtarrilaren 29a - Buenos Aires, 1994ko abuztuaren 27a) argentinar tango abeslaria izan zen. Euskal jatorria zuen, Nafarroakoa hain zuzen ere. El Polaco ("Poloniarra") ezizenaz ezaguna zen, ileoria eta mehea baitzen, garai hartako Argentinako poloniar emigrante ugariren antzera.

Bizitza

Roberto Goyeneche eta Aníbal Troilo.

Hasieran Carlos Gardel ospetsuaren estiloan abesten hasi zen, baina gerora bere berezko estiloa garatu zuen. 1944an, hemezortzi urterekin, Raúl Kaplúnen orkestran sartu eta Radio Belgrano irratian abesten hasi zen. 1952an, Horacio Salgán musikari eta piano-jotzailearekin batera abesten hasi zen.

1956an bere lagunmina Aníbal Troiloren orkestran abesten hasi eta harekin 26 abesti grabatu zituen. 1963an, bakarkako ibilbideari ekin zion; garai hartan, Ástor Piazzollaren Balada para un loco abestu zuen lehen kantaria izan zen.

1980ko hamarkadan Fernando Solanas zinema zuzendariaren El exilio de Gardel eta Sur filmetan agertu zen. 1994ko abuztuaren 27an hil zenean, artean jardunean zirauen tango abeslaririk garrantzitsuena zen. Buenos Aires hiriko Saavedra auzoan haren omenezko kale bat dago.

Kanpo estekak

• (Gaztelaniaz) La historia del "polaco" Goyeneche, cultura.gob.ar

• Datuak: Q558709
• Multimedia: Roberto Goyeneche / Q558709