Athletic Football Club Bournemouth

Athletic Football Club Bournemouth
Ezizena(k)	The Cherries
Sorrera	1890 (Boscombe St. John's Institute FC); 1899 (Boscombe FC)
Futbol zelaia	Dean Court; edukiera: 11.464 lagun; inaugurazioa: 1910
Jabea	Bill Foley
Entrenatzailea	Andoni Iraola
Liga	Premier League
2023-24	12.a
Webgunea	Webgune ofiziala

	Etxekoa

	Kanpokoa

Athletic Football Club Bournemouth Ingalaterrako futbol taldea da, Bournemouth hirian du egoitza eta bere zelaia Dean Court da. 2015-16 denboraldian debuta egin du lehen mailan.

Historia

1890an Boscombe St. John's Institute FC taldea sortu zen baina hau desegin zenean, bertako jokalari batzuek 1899an Boscombe FC birsortu zuten. XX mendearen hasieran The Cherries ("gereziak") ezizena hartu zuen, beren zelaia gereziondoen alboan baitzegoen eta beren kamiseta ere gorria baitzen. 1923an hiriaren izena hartu eta Bournemouth and Boscombe Athletic Football Club bihurtu zen.

1987an bigarren mailara igotzea lortu zuen eta hiru denboraldi egin zituen bertan. 2008an laugarren mailara jeisti zen baina bi urte egin zituen bertan eta goranzko bideari ekin zion 2014-15ean The Championship (2. maila) irabazi eta lehen mailara igotzea lortu zuen arte. 2015-16an mantentzea lortu zuen eta 2016-17an denboraldi lasaia izan du, azkenean 9. postuan sailkatu delarik.

2023-24 denboraldirako Andoni Iraola entrenatzaile usurbildarra fitxatu zuen.