Chelsea Football Club

Ezizena(k)

The Pensioners, The Blues

Sorrera

1905

Futbol zelaia

Stamford Bridge
(edukiera: 41.841 lagun)

Presidentea

Roman Abramovich

Entrenatzailea

José Mourinho

Liga

Premier League

2013/2014

Premier League, 3.a

Webgunea

Webgune ofiziala





Etxekoa





Kanpokoa

Chelsea FC, 1911-12.

2009/2010 denboraldiko liga eta kopa tituluak ospatzen.

2012ko Txapeldunen Ligako finala Bayern Munichen aurka.

Premier Leaguen Manchester Cityren aurkako partida.

Chelsea Football Club Londresko futbol taldeetako bat da, Ingalaterrako hoberenetarikoa azken urteotan. 1905eko martxoaren 14ean sortu zen, Rising Sun izeneko pubean. Stamford Bridge futbol zelaian jokatzen ditu partiduak; guztira 42.360 lagunentzako edukiera du. 2003. urtean taldea Roman Abramovich errusiar aberatsak erosi zuen.

Ingalaterrako lehen mailako 4 liga eta 7 kopa irabazi ditu. Halaber, UEFAko Txapeldunen Liga bat (2012an), Europako Errekopa bi eta Europako Liga bat eskuratu ditu.

Eduki-taula

1 Historia
2 Irabazitako txapelketak
- 2.1 Ingalaterran: 15
- 2.2 Nazioartean: 5
3 Kanpo loturak

Historia[aldatu | aldatu iturburu kodea]

Sorrera eta hasierako urteak[aldatu | aldatu iturburu kodea]

Gus Mearsek Stamford Bridge estadioa erosi zuen eta Fulhamekin bertan jokatzeko negoziazioek huts egitean bere talde propioa sortzea erabaki zuen, auzoko izena erabiliz: Chelsea Football Club. 1905eko martxoaren 10ean fundatu zen The Rising Sun tabernan.

Lehenengo tituluak[aldatu | aldatu iturburu kodea]

1915ean Kopa finala jokatu bazuten ere lehenengo titulua lortzeko 1955 arte itxaron behar izan zuen, orduan Liga irabazi zuen. 1970an Kopa irabazi zuen eta honi esker iritsi zen Europa mailako lehen titulua, Europako Errekopa.

70. hamarkadaren bukaeran Stamford Bridgen zabalkunde nahiek taldeari diru arazo larriak sorrarazi zizkion eta 1983an hirugarren mailaraino jeitsi zen.

90. hamarkada[aldatu | aldatu iturburu kodea]

1989an itzuli zen lehen mailara. 1992an Premier League txapelketa berria abiarazi zen eta taldearen mailak nabarmen egin zuen gora, batez ere 1997ko Kopako garaipenak bultzatuta. 20 urte lehenago gertatu bezala, honi esker Europako garaipen berriak iritsi ziren 1998an, Errekopa eta Superkopa.

Roman Abramovich: urrezko aroa[aldatu | aldatu iturburu kodea]

Roman Abramovich bilionario errusiarrak taldea erosi eta diru andana sartu zuen. Hiru Premier League irabazi bazituen ere kostatu zitzaion Txapeldunen Liga lortzea. 2012an izan zen, Bayern Munichi penaltietan irabazi zion. Bolada onari jarraituz 2013an Europa Leaguea irabazi du.