Abertzale Sozialisten Batasuna

Wikipedia, Entziklopedia askea
Jump to navigation Jump to search
Abertzale Sozialisten Batasuna
(ASB)
Desegitea 2007ko martxoaren 27a1
Ideologia politikoa Sozialista, ezker abertzalea, independentista
1 Alderdiaren izen-ematea geldiarazi zuen Espainiako Estatuaren Abokatuak eta Fiskaltzak.

Abertzale Sozialisten Batasuna (ASB) legez kanpo dagoen Batasunarekin lotutako zenbait lagunek 2007ko martxoaren 27an Espainiako Barne Ministerioan erregistratzen saiatu ziren alderdi politikoaren izena da. Maiatzaren 27ko foru eta udal hauteskundeetan parte hartzeko alderdi berriak erregistratzeko epea bukatu baino egun bat lehenago erregistratu zuen Marije Fullaondo politikariak[1].

Batasuneko hainbat kideren arabera (Arnaldo Otegi eta Pernando Barrena, besteak beste), ASB "ezker abertzaleak, Alderdien Legea betez, alderdi politiko bat erregistratzeko egindako saiakera" izan zen.

Espainiako Estatuaren Abokatuak eta Fiskaltzak, baina, ASB alderdiaren erregistroa geldiarazi zuten, alderdi hau "Batasunaren jarraipena" zelakoan. 2007ko maiatzaren 16an, foru eta udal hauteskunde kanpainaren barnean, Espainiako Auzitegi Gorenak Abertzale Sozialisten Batasunaren erregistroaren ukoa berretsi zuen[2].

Erreferentziak[aldatu | aldatu iturburu kodea]