Alejandro María Olazaran

From Wikipedia
Jump to navigation Jump to search
Alejandro María Olazaran
Bizitza
Jaiotza Lizarra1894ko otsailaren 9a
Herrialdea  Nafarroa Garaia, Euskal Herria
Heriotza Iruñea1973ko ekainaren 29a (79 urte)
Jarduerak
Jarduerak musikagilea
Sinesmenak eta ideologia
Erlijio-ordena Anaia Txiki Kaputxinoen Ordena

Alejandro María Olazaran Salanueva, izengoitiz Hilario Olazaran de Estella (Lizarra, Nafarroa, 1894ko otsailaren 9a - Iruñea, Nafarroa, 1973ko ekainaren 29a), nafar organo-jotzailea, musikagilea eta piano, txistu eta danbolineko irakaslea izan zen.

Biografia[edit | edit source]

Kaputxinoa zen. Solfeo, piano eta harmoniako lehen ikasketak egin ondoren, eta 1917. urtean apaiz eginik, Baztango Lekarozko Eskolara igorri zuten. Konposizioko ikasketak egin zituen han Aita Donostiarekin.

1925. urtean eman zuen argitara Nafarroako folklorean oinarrituriko Mutil-Dantza de Baztán pianorako obra. Danbolina eta txistua ikasteko lehen metodoa eman zuen argitara 1927. urtean (3 argitalpen izan ditu: 1927, 1932, 1955).

Obrak[edit | edit source]

Abesbatzetarako obrak (Done Bartolometan, Oración a la Virgen del Puy), txistu eta danbolinerako obrak (Eguberria, Mixintxo, Litxu, Txoriak, Arkaitzak, Edurne), pianorako obrak (Baile de la era de Estella, Ingurutxo, Infantiles, Gimnasia Lecároz, Danzas del Baztán, Dantza-Soñu, Yoku-Dantzak), organoan jotzekoak (Piezas para órgano), gaitarakoak (Tratado de gaita de Estella) eta mezak (Misa de difuntos eta beste bi meza) idatzi zituen. Harena da, halaber, Mendigoizaleak lan ezaguna.

Omenaldia[edit | edit source]

Omenaldi bero bat eskaini zion Lizarrako udalak, 1971. urtean.

Erreferentziak[edit | edit source]