Atari eztabaida:Hezkuntza

    Eztabaida honi buruz

    Hemen eztabaidatu dezakezu Hezkuntza Atariari buruz, eta zure dudak argitu.

    Theklan (eztabaidaekarpenak)

    Kaixo! Gaur EWKEko langileko bilera izan dugu Eusko Jaurlaritzarekin, eta hainbat gairen artean, hezkuntza atari hau berrordenatzeari buruz hitz egin dugu. Laster bideo ugari ekartzeko aukera izango dugu, eta komeniko litzateke ikasleek sarbide erraza izatea, euren curriculumeko gaien arabera, hainbat gaira.

    Pentsatzen dut egokiena izango litzatekeela bi atal egitea: bata ikasleentzat, bestea irakasleentzat. Ikasleen atalak hartuko luke garrantzirik handiena, eta bertan izango genuke gaika atariak: Atari:Hezkuntza/Matematika, adibidez. Atari horietako bakoitzean izango ditugu funtsezko artikuluak eta gai horri buruzko bideo pedagogikoak. Gainera, beste baliabide batzuk ere gehitu ahal dira.

    Bestetik, irakasleen txokoan izango ditugu orain artekoak, bereziki eskoletan egin daitezkeen gauzekin.

    Zuen ekarpena garrantzitsua da, pauso interesgarria izango delako Wikipedia eta Hezkuntza lotzen jarraitzeko.

    Gorkaazk (eztabaidaekarpenak)

    Kaixo! Hezkuntza atarian ordena berria ezarri nahi bada, hezkuntzan ohikoak diren sailkapenak egin daitezke:

    Ikasleak / Irakasleak

    Hegoaldean: Lehen Hezkuntza / Bigarren Hezkuntza ( DBH + Batx.)

    Lanbide Heziketak ere tokia beharko luke.

    Multzo txikiagoetara igaroz, arloak eta irakasgaiak.

    Martxoan bertan, hemendik bizpahiru astera, EAEn Curriculuma zehaztuko duen Dekretua argitaratuko dela espero da. Konpetentziak modu berrian definituko dira, etab.

    EAEko Curriculum berria har daiteke gida bezala, eta hortik kopiatu Hezkuntza Atari berriko estruktura.

    Theklan (eztabaidaekarpenak)

    Curriculumarena interesgarria da. Aldatuko al dira gaur egun dauden irakasgaiak? Guk, berez, Bigarren Hezkuntzari bakarrik egiten diogu errenferentzia, ze bestea jada Txikipediak beteko luke (atal bat behar du).

    Gorkaazk (eztabaidaekarpenak)

    Ez dut uste irakasgaiak aldatuko direnik. Irakasgai batzuei "zama" kenduko diete beste batzuei eman, jakina, baina irakasgai kontuetan ez da iraultzarik espero.

    Curriculum berria edukiez arinduko dela espero da, konpetentzien garapenean sakontzeko.

    Oraina (eztabaidaekarpenak)

    Agian Txikipedian egin genuen bezela goikaldean orri bi ezberdinetara joateko aukera artikulu alboan? Hau da Artikulua, Eztabaida, Txikipedia, Ikaslea eta Irakaslea. Egingarria? Agian konplexuegia?

    Theklan (eztabaidaekarpenak)

    Eta zer izango luke orrialde horrek?

    Oraina (eztabaidaekarpenak)

    Ba bertara joateko aukera zuzena eta argia, Txikipedia "txikienentzat" ematen duen aukeraren antzera. Ez dakit, bururatu zaidan ideia bat da. Agian xelebreegia.

    Theklan (eztabaidaekarpenak)

    Ez da xelebreegia, ulertu nahi dut ze eduki gehigarri proposatu zenukeen bertan egotea.

    Koldo Biguri (eztabaidaekarpenak)

    Nire ekarpena:

    1. Argitu behar dugu EJren proposamena DBH eta Batxiri dagokien bakarrik ala LHri ere bai. LH ere sartzen bada, Txikipedia dago horretarako, @Theklanek esan bezala. Eta TXk baditu atari tematikoak. Badu, ordea, hausnartu beharreko kontu bat: zer egin TXn kalitatezko artikulu "curricularrak" sartzeko. Orain arte, lortu dugu irakasle batzuk inplikatzea beren ikasleek artikuluak osatzeko, eta hori primeran dago. Baina ez dugu lortu irakaslerik (edo wikilaririk) inplikatzea kalitatezko artikuluak egiteko. Beharbada, EJri proposatu beharreko lan-lerro bat da; baina, nola eraman aurrera?
    2. Hezkuntza Programa hori DBH eta Batxirako bada, gaur egun dagoen ataria erabal aldatu beharra dago: ez dago pentsatuta edukietara iristeko, artikuluak egin edo edukiak igotzeko moduari buruzko informazioa emateko baizik. Nire ustez, Hezkuntza Atariak informazio hori bai eman behar du, baina beste leku batean, eta, hartara, azpiatari batzuetara zuzenean sartzeko aukera eman.
    3. Gainera, gaur egungo Hezkuntza Atariak ikusgarritasun oso mugatua du azaleko orrian: espazio askoz handiagoa bete beharko luke, eta azaleko orriko zatirik ikusgarrienetako bat okupatu beharko luke, "Aste honetan nabarmen" edo "Aurreko asteetan" horien gainetik nabarmenduz.
    Gorkaazk (eztabaidaekarpenak)

    1. Martxoan argitaratuko den Curriculum berriak erreferentzia egingo dio Haur Hezk., Lehen Hezk., DBH eta Batx. (Lanbide Heziketaz ez dakit). Ez dakit dena Dekretu bakar batean sartuko duten, ez dut uste; uste dut Dekretu batean HH (0-3) alde batetik eta (3-6) bestetik arautuko dutela, beste Dekretu batean Lehen Hezk. eta Derrigorrezko Bigarren Hezk. eta azkenik, oso oker ez banago, beste Dekretu bat Batxilergorako.

    2. Beherago eredu on bat erakutsi duzu: fr.Vikidiarena.

    3. Ados.

    Theklan (eztabaidaekarpenak)

    Eskerrik asko Koldo. Euren kezka bereziki DBH-Batx. zen, baina euren kezka ez dugu zertan gure kezkekin nahastu behar. Txikipedia dagoeneko existitzen da, eta horregatik ez nuke proposamen berberean sartuko, baina akaso lotura handi bat ere eskaini ahal zaio bertan.

    Bestetik, Txikipedian jada ari gara gauzak egiten, oraindik gutxi zuk diozun "curriculumeko" gaietan, baina hori diseinatzea EWKEri dagokio. Hala ere, EJri bidali zaizkion planetan jada badago hori garatzeko proposamen bat, beraz guri dagokio egitea. Ez da berria, zentzu horretan.

    Beste bi puntuekin, uste dut gauza berbera dugula buruan. Pentsatu behar dugu oraindik nolako edukia nahiko genukeen atalkako atari horietan. Eta ea atari horiek ere Txikipediako kategoriekin lotzen diren nolabait (DBH 1eko ikasleek, akaso, behar dute bestelako edukia)...

    Koldo Biguri (eztabaidaekarpenak)

    Beharbada baliagarria izan daiteke frantsesezko Vikidiak duen sistema ezagutzea. Azalean, "Trouver un article" izenburupean, hainbat atari tematiko dituzte: https://fr.vikidia.org/wiki/Vikidia:Accueil

    Hor, "Tous les portails" delakoan klik eginda, atariak eta azpiatari edo gai-multzoak dituzte: https://fr.vikidia.org/wiki/Portail:Accueil

    Orobat, hortxe bertan badute artikulu guztien zerrenda alfabetikoan bilatzeko modua ("Par ordre alphabétique dans l'index"): https://fr.vikidia.org/wiki/Spécial:Index

    Begiratu ea zer iruditzen zaizuen.

    Theklan (eztabaidaekarpenak)

    Hala genuen lehen ere gurean, eta hala dago wikipedia gehienetan. Baina atariak kentzear daude, ez duelako bisibilitaterik.

    Koldo Biguri (eztabaidaekarpenak)

    Bestalde, ez dakit ezagutzen duzuen Britannica Kids entziklopedia. Ordainpekoa da, baina interesgarria izan daiteke ikustea nola dagoen antolatuta: https://kids.britannica.com

    Gorkaazk (eztabaidaekarpenak)

    @Koldo Bigurik gorago erakutsi duen fr.Vikidia.org horrek erabiltzen dituen gaien eta azpigaien zerrenda gurera inportatzeko modukoa iruditzen zait, eta kids.britannica.com horretan ikusi dudana baino intuitiboagoa iruditu zait.

    Arloak eta irakasgaiak baliagarriak izan daitezke edukiak sailkatzeko, mailak ez, nik uste. (Noiz ikasten dira polinomioak? DBH-1, DBH-2, DBH-3?, etengabe? Noiz ikasten dira Euskal baladak, figura erretorikoak? Iritzi artikuluak hobeto idazteko teknikak?)

    Bestalde, fr.Vikidia horretako hasierako atari horiek oso txukun ikusten dira ordenagailuko pantailan baina ez dira oso txukun ikusten telefonoaren pantailan.

    Diseinu berria egiterakoan, ezin ahaztu gaur egungo ikasleak askotan, (gehienetan?), Wikipediara eta Txikipediara telefono, tableta eta Chromebooketatik sartuko direla. (Beren gaitasun digitalaren kaltetan, dena esan behar ;-)

    Gorkaazk (eztabaidaekarpenak)

    Kategoriak.

    Agian ezkutuko kategoria batzuk ageriko kategoriak bihurtzea ez legoke gaizki. Hezkuntza Programako artikuluak; Hezkuntza Programa/Matematika, Hezkuntza Programa/Filosofia...

    Horrela, kategoriako artikuluen zerrendara erraz iristeko aukera irekia eskainiko litzateke.

    Theklan (eztabaidaekarpenak)

    Parte hartu duzuenei... eta nahi duen orori. Nola ikusten duzue orain arte egindako aldaketak? Hezkuntza ataria bera aldatu dut, ikasleen atalei garrantzia emanez eta besteak bigarren planora pasaz. Gainera, Atari:Hezkuntza/Matematika ere sinpletu dut, eta mugikorrean orain ondo ikusten da, ez delako taula bat.

    Laster bideoak jarriko ditugu ere gainean, Ikusgela (eta beste proiektu batzuk) egiten ditugun heinean. Baina, momentuz... zuen iritzia entzun nahi nuke.

    Koldo Biguri (eztabaidaekarpenak)

    Ikusi dudanak itxura ona du, lehen baino irisgarriagoak iruditzen zaizkit orain artikuluak. Baina iritzi hobea eman ahal izango dute Batxilergoko irakaskuntzan dihardutenek.

    CEO.Feedback (eztabaidaekarpenak)

    Atari eztabaida:CEO.FeedBack

    "Hezkuntza Ataria ordenatzea" mezuari erantzun
    Ez dago gai zaharragorik