Bòrd na Gàidhlig

Bòrd na Gàidhlig
Datuak
Mota	non-departmental public body (en) eta hizkuntz arauemailea
Herrialdea	Erresuma Batua
Jarduera
Honen parte	Eskoziako Gobernua
Enplegatuak	23
Agintea
Egoitza nagusi	Inverness
Historia
Sorrera	2006ko otsailaren 13a
webgune ofiziala

Bòrd na Gàidhlig (b̊ɔːɾʃd̪̊ nə ɡ̊aːlɪɡ̊ʲ ahoskatua; euskaraz: «Gaeleraren Biltzarra») Eskoziako gaeleraren plangintza garatzen duen erakundea da. Juridikoki, elkartea quango bat da, hau da, Eskoziako Gobernuak sortutako erdi-GKE. Lehen sortuak ziren Comunn na Gàidhlig edo An Comunn Gàidhealach elkarteek helburu berdinak badituzte ere ez dira Gobernuak sortuak.

Eskoziako gaeleraz eta ingelesezko seinale elebidunak.

Helburuak

Erakundearen helburu nagusiak hauek dira:

• Gaeleraren hiztunen kopurua handitzea.
• Eskoziako gaelera etxe eta herrietarako hizkuntza bezala sendotzea
• Eskoziako bizitza kulturalean gaelera bultzatzea, eta
• Gaeleraren erabilpena bultzatzea eskoziar gizartearen egoera guztietan.

Horretarako bere eginbeharrak honako hauek dira:

• Gaeleraren Plangintza Nazionala garatzea
• Hizkuntza arloan aritzen diren elkarteekin batera harremanak izatea, eta
• Gaelerazko heziketan kontsultak egitea.

Historia

Eskoziako Gobernuak 2003ko apirilean sortu zuen Bòrd Hizkuntza Gutxituen Europako Gutunak bultzatuta. Egoitza Invernessen du.

2003ko urritik 2004ko urtarrilera Bòrd kontsultarako erakundetzat besterik ez zuen hartzen kontrako Administrazioak. Hori zela eta, 2004ko irailean erakundea indartu zuen Eskoziako Gobernuak:

• Bòrden aholkuak derrigorrezko bihurtu ziren udalerrien agintarientzat
• Erakunde, pribatu eta bolondres "guztietara" jo dezake
• Berak erabakiko zuen hizkuntz-garapena eta zein erakundeak behar izango zuen hizkuntz-planak egitea.

Eskoziako Legebiltzarrak horretarako 2005eko apirilean atera zuen "Gaeleraren legea".

Elkartearen presidenteak

Elkarteak presidente edo zuzendari (gaeleraz: cathraiche) bi izan ditu:

• Donnchadh MacFheargais (2002-2005). Islaytarra, hau Plockton Ikastetxeko zuzendaria,Comunn Luchd-Ionnsachaidh eta Comunn na Gàidhlig elkarteen kidea eta BBCren programaketa gaeleraren zuzendaria izan da.
• Mata MacIomhair (2006-)

Ikus, gainera

• Euskaltzaindia (Euskal Herrian)
• Keskowethyans an Taves Kernewek (Kornuallesen)
• Foras na Gaeilge (Irlandan)
• Conradh na Gaeilge (Irlandan)
• Bwrdd yr Iaith Gymraeg (Galesen)
• Tha Boord o Ulstèr-Scotch (Ulsterren)
• Hizkuntza araugileen zerrenda

Kanpo estekak

• Bòrd na Gàidhligen webgune ofiziala

• Datuak: Q3361399