Banku

Wikipedia, Entziklopedia askea
Hona jauzi: nabigazioa, Bilatu
Artikulu hau finantza erakundeari buruzkoa da; beste esanahietarako, ikus «Banku (argipena)».

Bankua dirua administratzeaz eta mailegatzeaz arduratzen den finantza-erakundea da. Bankuek banketxe izeneko sukurtsalen bidez egiten dituzte kudeaketak bezeroekin. Enpresa bat da eta bitartekari lanak egiten ditu mailegatutako diru kopurua, epea, arriskua eta prezioa egokitzeko.

Historia[aldatu | aldatu iturburu kodea]

XVII. eta XVIII. mendeetako lehenengo bankuak urregileen zaindegi edo biltegietatik sortu ziren: haietan gordetzen zituzten objetu baliotsuak, urrea eta metal preziatuak batez ere. Urregileak ohartu ziren urrezko piezak zenbakituta egonik ere ez zela beharrezkoa zaindegia utzitako urrezko pieza berbera itzultzea (betiere gordailututako piezaren balio bera bazuen). Bestalde, ia ezinezkoa zen gordailu guztiak aldi beran itzuli behar izatea. Hala, ez zegoen arazorik urregileek aldi berean urrearen zati bat beste pertsona batzuei maileguan ematen bazieten, gainerako urrea erabil zezaketen-eta itzulketak egiteko.

Lehen Euskal Bankuak[aldatu | aldatu iturburu kodea]

Euskal banku-erakunderik zaharrena Banco de Bilbao izan zen. 1857an sortu zen, eta Bilboko lehen garapen industrialerako behar ziren kapitalak mobilizatzen lagundu zuen. Hasieran, Bizkaian billeteak jaulkitzeko ahalmena zuen.

Geroago beste jaulkipen-banku batzuk sortu ziren 1856ko Bankuen Legearen babespean, hark banku bat baimendu baitzuen probintzia bakoitzeko: Donostian (1862) Iruñean (1864) eta Gasteizen (1864). 1874an, Iruñeako, Gasteizko eta Donostiako bankuek Espainiako Bankuaren filial bihurtzea erabaki zuten, baina Banco de Bilbao bere independentziari eutsi zion.

1898ko krisiaren ondoren, beste banku-erakunde batzuk sortu ziren. 1899an Banco Guipuzcoano soru zen; 1900ean, Banco de Vitoria; 1901ean Crédito de la Unión Minera eta Banco de Vizcaya.

Banku motak[aldatu | aldatu iturburu kodea]

Kapitalaren jatorriaren arabera:

Banku-eragiketen arabera:

  • Banku arruntak.
  • Banku espezializatuak.
  • Jaulkipen bankuak.
  • Banku zentralak.
  • Bigarren pisuko bankuak.


Ekonomia Artikulu hau ekonomiari buruzko zirriborroa da. Wikipedia lagun dezakezu edukia osatuz.


Kanpo loturak[aldatu | aldatu iturburu kodea]

Wikiesanetan artikulu bat dago honi buruz:
Banku
Wikimedia Commonsen badira fitxategi gehiago, gai hau dutenak: Banku Aldatu lotura Wikidatan