Miguel Indurain

Miguel Indurain

Informazio pertsonala
Izena	Miguel Indurain Larraya
Jaiotza data	1964ko uztailaren 16a
Jaiotza herria	Atarrabia, Nafarroa
Jaiotza herrialdea	Euskal Herria
Altuera	1.88 m
Pisua	79 kg
Kirol informazioa
Modalitatea	Errepidea
Rola	Taldeburua
Trebetasuna	Erlojupekoak

Miguel Indurain Larraya (Atarrabia, 1964ko uztailaren 16a -) txirrindulari nafarra da, historiako kirolari onenen artean sailkatua.

Frantziako Tourra bost urtez jarraian irabazi zuen (1991tik 1995era) eta Italiako Giroa bitan (1992 eta 1993).

1992an Kiroletako Asturiasko Printzearekin saritua izan zen.

Biografia

1984an egin zen txirrindulari profesional Reynolds taldearekin kontratua sinatzean. Aurretik zortzi urtez Villaves taldean aritua zen kategoria apalagoetan. Lehen urten honetan Los Angeleseko Olinpiar Jokoetan parte hartu zuen eta hamar garaipen lortu zituen.

1985ean lehen aldiz Frantziako Tourrean parte hartu zuen eta Espainiako Vueltan lider izan zen lau egunez.

Hurrengo urteetan Frantziako Tourrean bere ekipokide zen Pedro Delgado laguntzen aritu zen, 1988ko txapelduna. 1989an Paris-Niza irabazten zuen lehen euskalduna izan zen eta bere tourreko lehen etapa garaipena lortu zuen.

Bere lehen Frantziak Tourra 1991ean iritsi zen erlojuaren aurkako bi etaoa garaipen lortu ondoren. Aurretik Espainiako Vueltan bigarren postua lortu zuen. 1992an etapakako bi bira handiak (Frantziako Tourra eta Italiako Giroa), irabazi zituen, Italiako Giroa irabazten zuen lehen euskalduna izanez. Gauza bera lortu zuen 1993an.

Miguel Indurain 1996ko L'Hospitaleteko kriteriumean

1994an Tourra irabazi zuen laugarrez aldiz jarraian, baina Italiako Giroan Eugeni Berzin Errusiarrak garaitu zuen. Urte bereko Irailan ordu errekorra lortu zuen, Chris Boardmanek zuen aurrekoa gaindituz eta berria 53.040 kmtan utziz. Froga honetarako Espada izeneko bizikleta iraultzaile eta modernoa erabili zuen. Hala ere, hilabete geroago Tony Rominger Suitzarrak marka hobetu zuen. 1995.en urtean bere azken Frantziako Tourra (bosgarrena jarraian) eta munduko erlojupeko txapelketa irabazi zituen.

Bere azken denboraldian ez zuen lortu bere nahi nagusia zen seigarren Tourra irabazterik eta hamaikagarren postuan geratu zen. Atlantan jokatutako Olinpiar Jokoetan erlojupeko proban urrezko domina lortzen du. Bere azken lasterketa Espainiako Itzulia izan zen, non, erretiratzen amaitu zuen.

1997ko urtarrilaren 2an bere erretirada argitaratu zuen publikoki.

Palmaresa

1984 Etorkizuneko Tour-eko etapa 1 1985 Etorkizuneko Tour-eko 2 etapa 1986 Etorkizuneko Tour-eko 2 etapa Murtziako itzulia eta etapa 1 1987 Murtziako itzulia-ko etapa 1 Haran Meatzarietako Itzulia eta 3 etapa Nafarroako Foru Erkidegoko Saria Aste Katalana-ko 2 etapa Txitxarrora igoera, eta etapa 1 1988 Kataluniako Volta, eta etapa 1 Cantabriako Itzulia-ko etapa 1 Galiziako Itzulia-ko etapa 1 1989 Paris-Niza Nazioarteko Kriteriuma, eta etapa 1 Frantziako Tour-eko etapa 1 1990 Paris-Niza, eta etapa 1 Donostiako Klasikoa Frantziako Tour-eko etapa 1 Espainiako Bide Txirrindularitzako Txapelketa-n 3. postua Euskal Herriko Itzulia-ko etapa 1 Valentziar Erkidegoko Itzulia-ko etapa 1 Burgosko Itzulia-ko etapa 1 1991 Vaucluseko Itzulia, eta etapa 1 Espainiako Itzulia-n 2. postua Euskal Bizikleta-ko 2 etapa, Arrateko Igoera barne Frantziako Tourra, eta 2 etapa Kataluniako Volta, eta etapa 1 Munduko Bide Txirrindularitzako Txapelketa-n 3. postua UCI Sailkapena-n 2. postua 1992 Romandiako Itzuliako etapa 1 Italiako Giroa, Intergiro-ko sailkapena barne y 2 etapas Espainiako Bide Txirrindularitzako Txapelketa

1992 (jarraipena) Frantziako Tourra, eta 3 etapa Gaztela Leongo Itzulia-ko etapa 1 Kataluniako Volta Boucles de l'Aulne UCI sailkapena-n 1. postua 1993 Murtziako Itzulia-ko etapa 1 Italiako Giroa, eta 2 etapa Haran Meatzarietako Itzulia-ko 2 etapa Frantziako Tourra, eta 2 etapa Munduko Bide Txirrindularitzako Txapelketa-n 2.postua Espainiako Bide Txirrindularitzako Txapelketa-n 2.postua Gaztela Leongo Itzulia eta etapa 1 Portuetako Klasikoa UCI sailkapena-n 1. postua 1994 Valentziar Erkidegoko Itzulia-ko etapa 1 Picardie-ko Tour-a eta etapa 1 Italiako Giroa-n 3. postua Frantziako Tourra, eta etapa 1 Gaztela Leongo Itzulia-ko etapa 1 Orduko errekorra: 53.040 km Espainiako Errekorra (5 km) — 5' 43" 947 Espainiako Errekorra (10 km) — 11' 20" 097 Espainiako Errekorra (20 km) — 22' 38" 510 UCI sailkapena-n 2. postua 1995 Aragoiko Itzulia-ko etapa 1 Haran Meatzarietako Itzulia-ko etapa 1 Errioxako Itzulia, eta etapa 1 Asturiasko Itzulia-ko 2 etapa Midi Libre Dauphiné Libéré, eta etapa 1 Frantziako Tourra, eta 2 etapa Munduko Bide Txirrindularitzako Txapelketa-n 2.postua Erlojupeko Munduko txirrindularitza Txapelketa Galiziako Itzulia, eta etapa 1 UCI sailkapena-n 3. postua 1996 Alentejoko Itzulia, eta 2 etapa Asturiasko Itzulia, eta etapa 1 Euskal Bizikleta, eta etapa 1 Dauphiné Libéré, eta 2 etapa 1996ko Atlantako Joku Olinpikoetako erlojupeko txirrindularitza txapelketa

Fundazioa

1998an sortutako "Fundación Miguel Induráin" izeneko elkartearen ohorezko presidentea da txirrindulari ohia, Nafarroako Gobernuak eta Espainiako Batzorde Olinpikoak bultzatutako fundazioa izanda. Helburuen artean, probintziaren goi-mailako kirolariak sustatzea dago.

Kanpo loturak

• (Gaztelaniaz) Miguel Indurainen web pertsonala
• (Gaztelaniaz) Miguel Indurain fundazioa
• (Gaztelaniaz)Bere palmaresa osorik