Pedro Delgado
| Pedro Delgado | |
|---|---|
.jpg) | |
| Bizitza | |
| Izen osoa | Pedro Delgado Robledo |
| Jaiotza | Segovia, 1960ko apirilaren 15a (60 urte) |
| Herrialdea |
 Espainia |
| Hezkuntza | |
| Hizkuntzak | gaztelania |
| Jarduerak | |
| Jarduerak | txirrindularia |
| Ibilbidea | |
| Taldeak | Urteak |
| Movistar Team | 1988-1994 |
|
Parte-hartzailea
| |
| Jasotako sariak | |
| pedrodelgado.com | |
Pedro Delgado Robledo, ezagunagoa Perico Delgado izenez, (Segovia, Espainia, 1960ko apirilaren 15a - ) txirrindulari ohia eta telebista esataria da. 1988. urtean Frantziako Tourraren garailea izan zen. Espainiako Vuelta birritan irabazi zuen (1985 eta 1989). Gaur egun TVE espainiar telebistarentzako lan egiten du, kirol esatari.
José Miguel Echávarri eta Eusebio Unzué entrenatzaileen esanetara prestatu zen eliteko txirrindulari gisa. Espainiako txirrindularitzaren loraldiaren aitzindaria izan zen. 1985ean lortu zuen lehen garaipen handia, Espainiako Itzulia irabazi zuenean. Handik lau urtera, 1989an, berriro irabazi zuen, baina nazioarteko ospea Frantziako Tourrak eman zion. 1983an hartu zuen parte lehen aldiz Frantziako Itzuli batean, eta maldan gora, eskalatzaile aparta izateagatik, eta maldan behera, abiada handian jaisteko erakutsi zuen ausardiagatik, nabarmendu zen. Lehen Itzuli hartan bigarren lekua lortu zuen sailkapen nagusian. 1984an, sailkapen nagusian bosgarren zela, bertan behera utzi behar izan zuen lasterketa, maldan behera zihoala erori eta lepauztaia hautsi ondoren. 1986an ere bertan behera utzi zuen proba ama hil zitzaiola jakin zuenean. 1987an sekulako borroka izan zen bera eta Stephen Rocheren artean; azkenean, Rochek irabazi zuen proba, 40 segundoko aldeagatik. Hurrengo urtean, baina, berak irabazi zuen proba eta zazpi minutu baino gehiago kendu zizkion bigarrenari, Stephen Rooks holandarrari. 1989an gauza bitxia gertatu zen: galdu egin zen eta berandu iritsi zen aurreneko etapako irteerara, Luxenburgon. Hala, denbora asko galduta eta azken lekuan hasita defendatu behar izan zuen aurreko urteko garaipena. Hala eta guztiz ere, azkenean, hirugarren geratu zen, Greg LeMond eta Laurent Fignonen atzetik. Txirrindularitza profesionala utzi zuenean irrati eta telebistako esatari gisa hasi zen lanean.
Sailkapen orokorra Itzuli Handietan[aldatu | aldatu iturburu kodea]
| Itzuli Handia | 1982 | 1983 | 1984 | 1985 | 1986 | 1987 | 1988 | 1989 | 1990 | 1991 | 1992 | 1993 | 1994 |
|---|---|---|---|---|---|---|---|---|---|---|---|---|---|
 Italiako Giroa
|
— | — | — | — | — | — | 7 | — | — | 15 | — | — | — |
 Frantziako Tourra
|
— | 15 | UT | 6 | UT | 2 | 1 | 3 | 4 | 9 | 6 | 9 | — |
 Espainiako Vuelta
|
29 | 15 | 4 | 1 | 10 | 4 | — | 1 | 2 | — | 3 | 6 | 3 |
 Munduko Txapelketa
|
— | — | — | 25 | 51 | — | 60 | 20 | 20 | 35 | 30 | — | — |
| — | Ez zuen parte hartu |
| DSK | Deskalifikatua |
| UT | Utzi |
Erreferentziak[aldatu | aldatu iturburu kodea]
 |
Wikimedia Commonsen badira fitxategi gehiago, gai hau dutenak: Pedro Delgado  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
| Aurrekoa Stephen Roche |
Frantziako Tourraren irabazlea 1988 |
Ondorengoa Greg LeMond |
  |
Artikulu hau Gaztela eta Leongo biografia baten zirriborroa da. Wikipedia lagun dezakezu edukia osatuz. |
Datuak: Q336292
Multimedia: Pedro Delgado
