Brigitte Kronauer

Brigitte Kronauer
	; (2005) Irudi gehiago
Bizitza
Jaiotzako izen-deiturak	Brigitte Kronauer
Jaiotza	Essen, 1940ko abenduaren 29a
Herrialdea	Alemania
Heriotza	Hanburgo, 2019ko uztailaren 22a (78 urte)
Hobiratze lekua	Nienstedten Cemetery (en)
Hezkuntza
Hizkuntzak	alemana
Jarduerak
Jarduerak	idazlea eta eleberrigilea
	Parte-hartzailea Ingeborg Bachmann Award 1980 (en) ;
Lantokia(k)	Hanburgo
Enplegatzailea(k)	Tübingengo Unibertsitatea
Jasotako sariak	ikusi Georg Büchner saria (2005) ; Heinrich-Böll-Preis (1989) ; Vilenica Prize (2004) ; Joseph-Breitbach-Preis (1998) ; Literaturpreis der Stadt Bremen (2005) ; Samuel-Bogumil-Linde saria (2013) ; Bavarian Maximilian Order for Science and Art (2016) ; Berliner Literaturpreis (1994) ; Fontane-Preis (1985) ; Preis der SWR-Bestenliste (1987) ; Ida-Dehmel-Literaturpreis (1989) ; Jean-Paul-Preis (2011) ; Thomas Mann Prize (2017) ;
Kidetza	Alemaniako hizkuntza eta literatura akademia
Genero artistikoa	Erzählung (en) ; saiakera

Brigitte Kronauer (Essen, 1940ko abenduaren 29a - Hanburgo, 2019ko uztailaren 22a) alemaniar idazlea izan zen.

Pedagogia-ikasketak amaituta, Aachen eta Göttingenen lan egin zuen, irakasle gisa. Hiru urte geroago, Hanburgon jarri zen bizitzen, eta handik aurrera literatura izan zuen ogibide nagusia. 1970eko hamarraldiaren bukaeran argitaratu zituen bere lehenengo lanak, literatura-aldizkarietan. Bere lehen eleberriak Nouveau romanen tradizioaren ildotik idatzi zituen eta ez zuten arrakasta handirik izan, ez irakurleen artean, ez kritikarien artean: Der unvermeidliche Gang der Dinge (1974, Gauzen halabeharrezko joatea); Die Revolution der Nachahmung (1975, Imitazioaren iraultza); Vom Umgang mit der Natur (1977, Izadiarekin izan behar den harremanaz). Frau Mühlenbeck im Gehäus (1980, Mühlenbeck andrea baserrian) eleberriak ordea kritikaren arreta bereganatu zuen, errealitatearekiko mesfidantza adierazteko erabili zuen hizkuntza plastikoagatik. 1983an Rita Münster eleberria argitaratu zuen, hiru zatitan; bertan Kronauerrek agerian utzi nahi izan zuen bere eguneroko porrota, bai eguneroko bizitzako pertsonekin, bai bere bikotearekin eta, azken batean, baita bere buruarekin ere. Berittener Bogenschütze (1986, Arkulari-zaldunak) liburuko protagonistarentzat ere kanpoko mundua dekoratu hutsa da, eta berak bere idazle kutunenaren liburuetako munduarekin amets egiten du, Joseph Conraden munduarekin alegia. Kronauerren hitz lauzko obraren ezaugarri nagusiak irudimena, hizkuntzaren adierazkortasuna, eta errealitatea bere xehetasun guztiekin islatzea dira. Beste lan batzuk: Die gemusterte Nacht (1981, Gau irarria), Aufsätze über Literatur (1987, Literaturari buruzko saiakerak) eta Hin-und herbrausende Züge (1993 Trenak txistuka joan-etorrian).

Erreferentziak

Wikimedia Commonsen badira fitxategi gehiago, gai hau dutenak: Brigitte Kronauer

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q106606
Multimedia: Brigitte Kronauer / Q106606