Cloudina

Wikipedia, Entziklopedia askea
Jump to navigation Jump to search
Cloudina
Cloudina.svg
Sailkapen zientifikoa
ErreinuaAnimalia
FilumaCnidaria
FamiliaCloudinidae
Generoa Cloudina
Cloudina-ren fosila.

Cloudina Garai Ediakarikoan bizi izan ziren fosilen genero bat da, gaur egun iraungita dagoena. Dagoeneko hainbat espezie aurkitu dira. Ezagutzen den exoeskeletodun animalia zaharrena da[1].

Etimologia[aldatu | aldatu iturburu kodea]

Preston Cloud geologo eta paleontologoaren omenez jarri zitzaion Cloudina izena[2].

Aurkikuntza[aldatu | aldatu iturburu kodea]

Cloudina-ren aurreneko fosilak Nama aztarnategian aurkitu ziren, Namibian, 1972 urtean[2]. Cloudina hartmannae eta Cloudina riemkeae izan ziren. Ordutik hona munduko hainbat tokitan aurkitu dira, hala nola, Oman, Txina, Kanada, Uruguai, Argentina, Antarktika, Brasil, Estatu Batuak (Nevada eta Kalifornia), Espainia (Extremadura), Mexiko eta Siberia hego-mendebaldean.

Gaur egun hainbat espezie ezagutzen dira, horregatik 1985 urtean Hahn eta Pflug-ek Cloudinidae familia sortu zuten[3] eta barnean bi genero sartu zituzten, Cloudina eta Conotubus generoak[4]:

  • Cloudina generoa:
    • Cloudina hartmannae (Germs, 1972)
    • Cloudina riemkeae (Germs, 1972)
    • Cloudina lucianoi (Beurlen & Sommer, 1957) (Zaine & Fairchild, 1985)
    • Cloudina sinensis (Zhang, Li et Dung, 1992)
    • Cloudina carinata (Cortijo, Musa, Jensena et Palacios, 2009)
    • Cloudina ningqiangensis (Cai et al., 2017)
    • Cloudina xuanjiangpingensis (Cai et al., 2017)
  • Conotubus generoa:
    • Conotubus hemiannulatus (Zhang and Lin, 1986)

Deskribapena[aldatu | aldatu iturburu kodea]

Aurkituriko fosilek 0'3 eta 6'5 milimetro arteko diametroa dute eta 8 eta 150 mm arteko luzera[2]. Gainezarritako kaltzita konoz osaturik dago gorputza eta kono bakoitzak zulo handia du barnealdean[5]. Gorputzak kurbatura izan ohi du edo itxura sinuosoa, eta batzutan adarrak ere ikusi izan zaizkio[6]. Fosiletan tamaina desberdinetako konoak azaldu dira, honek hazkuntza-ratio konstanterik ez zuela adierazten du.

Bizimodua[aldatu | aldatu iturburu kodea]

Sakonera gutxiko eremutan finkaturik bizi ziren organismo sesilak ziren. Ur hotzetan bizi ziren eta estromatolitoen artean aurkitu dira ugari. Koloniak eratzen zituzten, lehenengo arrezife primitiboak kontsideratu daitezkeenak[7]. Kolonia handi hauek harrapari gabezia adieraziko lukete[2], baina harrapariek kalteturiko aleak ere aurkitu izan dira[8].

Taxonomia[aldatu | aldatu iturburu kodea]

Glaessner-ek 1976an poliketoen taldeko anelidoa zela esan zuen[9]. Hahn & Pflug (1985) eya Conway Morris et al. (1990) zientzilariek zalantzan jarri zuten baieztapena eta Grantek (1990) korala zela esan zuen. Gaur egun oraindik ez da erlazio filogenetikoa zehaztu.

Erreferentziak[aldatu | aldatu iturburu kodea]

  1. «ScienceDirect» www.sciencedirect.com . Noiz kontsultatua: 2019-03-17.
  2. a b c d (Ingelesez) Germs, Gerard J. B. (1972-10-01) «New shelly fossils from Nama Group, South West Africa» American Journal of Science (8): 752–761 doi:10.2475/ajs.272.8.752 ISSN 0002-9599 . Noiz kontsultatua: 2019-03-17.
  3. Hahn, G.; H. D. Pflug (1985) Die Cloudinidae n. fam., Kalk-Röhren aus dem Vendium und Unter-Kambrium Senckenbergiana Lethaea. 65: 413–431. or..
  4. (Ingelesez) Macdonald, F. A.; Schrag, D. P.; Rowland, S. M.; Eyster, A. E.; Strange, M. A.; Nelson, L. L.; Smith, E. F. (2016-11-01) «The end of the Ediacaran: Two new exceptionally preserved body fossil assemblages from Mount Dunfee, Nevada, USA» Geology (11): 911–914 doi:10.1130/G38157.1 ISSN 0091-7613 . Noiz kontsultatua: 2019-03-17.
  5. (Ingelesez) Porter, Susannah M. (2007-06-01) «Seawater Chemistry and Early Carbonate Biomineralization» Science (5829): 1302–1302 doi:10.1126/science.1137284 ISSN 0036-8075 PMID 17540895 . Noiz kontsultatua: 2019-03-17.
  6. «ScienceDirect» www.sciencedirect.com . Noiz kontsultatua: 2019-03-17.
  7. (Ingelesez) Hoffman, K.-H.; Tostevin, R.; Bowyer, F.; Curtis, A.; Wood, R.; Penny, A. M. (2014-06-27) «Ediacaran metazoan reefs from the Nama Group, Namibia» Science (6191): 1504–1506 doi:10.1126/science.1253393 ISSN 0036-8075 PMID 24970084 . Noiz kontsultatua: 2019-03-17.
  8. (Ingelesez) Zhang, Lu-Yi; Pratt, Brian R.; Hua, Hong (2003-10-01) «Borings in Cloudina Shells: Complex Predator-Prey Dynamics in the Terminal Neoproterozoic» PALAIOS (4-5): 454–459 doi:10.1669/0883-1351(2003)0182.0.CO;2 ISSN 0883-1351 . Noiz kontsultatua: 2019-03-17.
  9. GLAESSNER, M . F. (1976-05) «Early Phanerozoic annelid worms and their geological and biological significance» Journal of the Geological Society (3): 259–275 doi:10.1144/gsjgs.132.3.0259 ISSN 0016-7649 . Noiz kontsultatua: 2019-03-17.
Wikimedia Commonsen badira fitxategi gehiago, gai hau dutenak: Cloudina Aldatu lotura Wikidatan