Desagertutako ugaztunak

Lehen ugaztunen agerpenetik, hainbat espezie desagertu dira, klimaren aldaketak edo bestelako faktoreek eraginda.

Desagertutako ugaztunetako batzuk

Hungariako bisontea

Sakontzeko, irakurri: «Hungariako bisonte»

Hungariako bisontea, (Bison bonasus hungarorum) Karpatoetako bisontea bezala ere ezaguna, 1740. urtean desagertutako Europako bisontearen azpiespezie bat izan zen. Karpatoak mendietan bizi omen zen, baita Moldavian eta Transilvanian. Baliteke ere azken garaietan Ukraina eta Hungariara zabaldu izatea.

Estepako bisontea

Sakontzeko, irakurri: « Bison priscus»

Estepako bisontea, (Bison priscus), egun desagertutako bisonte espezie bat izan zen. Europa, Ekialde Ertaina, Errusia, Mantxuriaeta Ipar Amerikan bizi omen zen Pleistozenoan.

Kaukasoko bisontea

Sakontzeko, irakurri: «Kaukasoko bisonte»

Kaukasoko bisontea, (Bison bonasus caucasicus) Europako bisontearen azpiespezie bat zen. Kaukasoko mendietan bizi omen zen. Libre zegoen azken alea, 1927. edo 1930. urtean akabatu zuten, (iturri ezberdinen arabera), baina arraza zoologiko ezberdinetan mantendu zen 1950. urte arte.

Mammuthus sungari

Sakontzeko, irakurri: «Mammuthus sungari»

Songhua ibaiko mamuta, baita Shokako mamuta izenarekin ezaguna ere (Mammuthus sungari), bizi izan den mamutik handiena izan zen. Ibaraki Natur Museoan 5,1 metro garaierako espezimen bat begiztatu daiteke.

Mamut

Sakontzeko, irakurri: «Mamut»

Mamuta (antzinako errusieratik маммот) Mammuthus galdutako generoko edozein espezie izendatzeko erabiltzen da, nahiz eta ezagunena mamut iletsua den (Mammuthus primigenius).

Tarpan

Sakontzeko, irakurri: «Tarpan»

Tarpan zaldia (Equus ferus ferus), Eurasiako basa-zaldia bezala ezaguna da baita ere, egun desagertutako zaldi arraza bat izanik. Ondo dokumentaturiko azken alea, Ukrainan harrapatutakoa, 1876an urtean Moskuko zoologikoan hil zen.

Uro

Sakontzeko, irakurri: «Uro»

Uroa Europako beste zenbait hizkuntzetan aurochs izenarekin ezaguna ere, Bos taurus primigenius da bere izen zientifikoa, garai bateko basa zezenaren espezie bat izan zen.

Zalambdalestes

Sakontzeko, irakurri: «Zalambdalestes»

Zalamnbdalestes Goi Kretazeoan Mongolian bizi izan zen ugaztun kareduna izan zen. Ezagutzen den karedunik zaharrenetarikoa da eta Dinosauroekin batera bizi izan zen.

Kanpo estekak

• Datuak: Q1569387
• Multimedia: Extinct Mammalia / Q1569387

Artikulu hau biologiari buruzko zirriborroa da. Wikipedia lagun dezakezu edukia osatuz.