Durmitorko Parke Nazionala

Durmitorko Parke nazionala
Durmitor mendia, parkeko mendirik ezagunena.
Kokalekua	Montenegro
Azalera	39.000 km²
Sorrera	1952

Durmitor mendiko Parke Nazionala Montenegron dago; parkearen erdian Durmitor mendia dago, Bobotov Kuken 2.522 metroko garaia duena.

Izena

Durmitor izena Balkanetan hitz egiten zen erromantze hizkuntza batetik etor daiteke eta "lotia" edo "lo egiten duena" esan nahi du. Garaiko Yugoslavian bazeuden antzeko esanahi zuten beste mendiak: Visitor mendia (< visător, "ameslari") eta Cipitor (< aţipitor, "lotan").

Fauna

Parkean aurkitu daitekeen fauna aberatsa da, bereziki glaziazio garaikoa:

Ugaztunak

• Hartz arre Ursus arctos
• Otso Canis lupus
• Sarrio Rupicapra rupicapra

Hegaztiak

• Basoilar Tetrao urogallus
• Arrano beltz Aquila chrysaetos
• Aztore-arrano Aquila fasciata
• Arrano txiki Hieraaetus pennatus
• Sai arre Gyps fulvus
• Sai zuri Neophron percnopterus
• Belatz handi Falco peregrinus
• Zuhaitz-belatz Falco subbuteo
• Tengmalm hontz Aegolius funereus
• Hontz handi Bubo bubo

Babespena

Crno jezero lakua edo Laku Beltza.

Durmitor Parke Nazionala 1952an sortu zen, UICN IIko kategoriakoa. 390 km² ditu eta barruan, besteak beste, espazio hauek daude: Durmitor Mendigunea, Tara, Sušica eta Dragaren arroilak eta Kormanikako goi-ordokia. Tara ibaiaren arroilak 80 km luzera du, 1300 metro sakoneraz, munduko horrelako formazio geologikoa bigarren izanik, Coloradoko Arroila Handia (Arizona) lehendabizikoa izanda. 1980tik Gizateriaren Ondarea da, bestetik. Hemezortzi glaziar aintzirak daude inguru honetan, ezagunenak Crno lakua (Laku Beltza) eta Zminje jezero (Zminje Lakua) izanda.

Turismoa

Durmitor mendia Montenegroko mendi-turismoaren gune nagusia da. Baliabide turistikoak batez ere Žabljak hirian daude. Aktibitate nagusiak eski eta snowboard dira; udan eskalada eta mendi ibilerak.

Arazoak

• Gizakien presentzia eta turismoaren handitzea faunarentzat eta, orokorrean, ingurumenarentzat kaltegarria da.
• Bosniako gerrak gogor jo zuen hemen ere bai. Adibide moduan, gerra baino lehen 4.000 sarrio zeuden, 2005ean 600 bakarrik gelditzen ziren. Gerra bitartean isileko ehiztariek adarrak kentzeko arma automatikoak erabiliz, triskantza handia egin zuten.

Iruditegia

• 
  Durmitorko Parke Nazionala.
• 
  Tara ibaiaren arroila.
• 
  Tara ibaiaren arroila.
• 
  Durmitor mendigune.

Kanpo estekak

• WCMC-UNEP
• Durmitor mendiaren Parke Nazionala
• Durmitor (serbieraz)
• Unescoren webgune ofiziala.
• Tarako arroilan egindako argazkiak.

• Datuak: Q3364446
• Multimedia: Durmitor National Park / Q3364446