Edu Zelaieta

Wikipedia, Entziklopedia askea
Jump to navigation Jump to search
Edu Zelaieta
FullSizeRender3.jpg
Bizitza
Jaiotza Gasteiz1973ko ekainaren 26a (47 urte)
Herrialdea  Araba, Euskal Herria
Hezkuntza
Hizkuntzak gaztelania
euskara
Jarduerak
Jarduerak idazlea eta unibertsitateko irakaslea
Enplegatzailea(k) Euskal Herriko Unibertsitatea
Literaturaren Zubitegiko fitxa 659

Eduardo Zelaieta Anta (Gasteiz, Araba, 1973ko ekainaren 26a) Euskal Herriko Unibertsitateko irakaslea, euskal idazlea, itzultzailea eta Mugaldekoak taldearen kidea da. Hizkuntzalaritzan eta Euskal Ikasketetan doktore da.

Idazle eta itzultzaile moduan, hainbat genero landu izan ditu: poesia, zutabegintza, kantuetarako letragintza eta haur literatura. Poesiari dagokionez, bi sari nagusi eskuratu ditu (Ernestina de Champourcin 2001ean eta Joseba Jaka Literatur Beka 2003an) eta bakarkako lau liburu argitaratu.

Zutabegintzaren aldetik, hainbat hedabidetan kolaboratu izan du maiztasunez: Euskaldunon Egunkaria, Geu Gasteiz, Radio Vitoria, ETB, Argia, Berria eta Hala Bedi Irratia, besteak beste. Hain zuzen ere, komunikabideetako jarduera horrekin lotuta, Mundutik mundua (Arabako hitzontzi baten kronikak) liburua eman du argitara; epilogoa edo hitzatzea Karmele Jaio idazlearena da.

Kantuetarako letragintza dela eta, Mugaldekoak taldearentzat idazten ditu testuak eta kantuetarako letrak 2004az geroztik; literaturaren eta musikaren arteko topagune horren ondorioz, hiru disko eman ditu argitara taldeak orain arteko bidean. Halaber, beste musikari batzuei ere letrak idatzi izan dizkie; Estitxu Pinatxori edo Joseba Irazokiri, esaterako.[1]

Diziplina artistikoen arteko elkarguneetan interesa agertu du behin baino gehiagotan eta, Mugaldekoak proiektuaz gainera, Eneko Ugarte ilustratzaile eta pintore gasteiztarrarekin zenbait ikuskizun egin izan ditu jendaurrean[2], baita erakusketa bat osatu ere: Basque misreadings (Berrian gaizki irakurriak) izenekoa [3] [4].

Bestalde, haur literaturako itzultzaile aritu da azken urteotan, eta berrikiago haurrentzako egile gisa ere agertu da.[5]

Azkenik, irakasle eta ikertzaile lanak egiten ditu EHUko Hizkuntzaren eta Literaturaren Didaktikaren Sailean. Alde horretatik, Hizkuntzaren eta Hezkuntzaren gaineko hainbat ikerlan idatziak ditu, Euskaltzaindiak argitaratutako Baztan-Bidasoko hizkeren azterketa dialektologikoa doktorego-tesia barne (2009).

Lanak[aldatu | aldatu iturburu kodea]

Helduentzako Liburuak[aldatu | aldatu iturburu kodea]

  • 2002: Jendakiak urruneko familiatan, Arabako Foru Aldundia
  • 2004: Mugaldekoak, Susa
  • 2006: Lauburu. Pirinioetako kontakizunak (beste egile batzuekin), EIE
  • 2006: Bidasoa, Irudi
  • 2007: Maldetan sagarrak. Euskal gatazka euskal literaturan (Ibon Egañarekin batera ed.), UEU
  • 2009: Baztan-Bidasoko hizkeren azterketa dialektologikoa, Euskaltzaindia
  • 2010: Aldaira urdinak, Alberdania
  • 2016: Ispilu biluziak, Pamiela
  • 2019: Mundutik mundua (hitzatzea Karmele Jaiorena da), Pamiela

Haurrentzako Liburuak[aldatu | aldatu iturburu kodea]

  • 2018: Torlojuak, (Txabi Arnalekin batera), Elkar
  • 2018: Amets anfibio, (Eneko Ugarte ilustratzailea), Ibaizabal

CD-liburuak[aldatu | aldatu iturburu kodea]

  • 2006: Mugaldekoak: Biziago sentitzeak dakarren muga inguruan, Gaztelupeko Hotsak
  • 2012: Begiak lekuko, Gaztelupeko Hotsak
  • 2017: Galdemoduen trilogia, Gaztelupeko Hotsak

Diziplinarteko proiektuak eta erakusketak[aldatu | aldatu iturburu kodea]

  • 2016 Ispilu biluziak | Literatura eta pintura uztartzen dituen performancea (Eneko Ugarterekin batera)
  • 2019 Mundutik mundua | Lliteratura eta ilustrazioa uztartzen dituen perfomancea (Eneko Ugarterekin batera )
  • 2020 Basque misreadings | perfomancea eta erakusketa (Eneko Ugarte artista plastikoa, Ane Gebara dramatizazioa eta Beñat Goitia musika)

Erreferentziak[aldatu | aldatu iturburu kodea]

  1. «Enpate batekin aski, by Joseba Irazoki» Joseba Irazoki . Noiz kontsultatua: 2019-04-12.
  2. SLU, Herritar Berri. (). «EDU ZELAIETA» GAUR8 . Noiz kontsultatua: 2017-11-10.
  3. «Basque misreadings. BERRIAn gaizki irakurriak» Lazarraga Kultur Elkartea . Noiz kontsultatua: 2020-02-18.
  4. Biain, Aitor. «Semantikaren forma berriak» Berria . Noiz kontsultatua: 2020-02-18.
  5. «-Amets anfibio- en CLIJ | Ibaizabal» www.ibaizabal.com . Noiz kontsultatua: 2019-04-12.

Kanpo estekak[aldatu | aldatu iturburu kodea]