Elena Pérez

Elena Pérez
	;
Bizitza
Jaiotza	Ermua, 1968ko martxoaren 10a
Herrialdea	Bizkaia, Euskal Herria
Heriotza	2021eko maiatzaren 7a (53 urte)
Hezkuntza
Heziketa	Francisco Escudero Kontserbatorioa
Hizkuntzak	euskara; gaztelania
Jarduerak
Jarduerak	txistularia eta zuzendaria

Elena Pérez Pérez (Ermua, Bizkaia, 1968ko martxoaren 10a - ibidem 2021eko maiatzaren 7a)^[1] txistularia izan zen, Eibarko Usartza Txistulari Taldeko zuzendaria.

Biografia[aldatu | aldatu iturburu kodea]

Ermuko San Lorenzo auzoan jaio zen baina txikitatik izan zuen lotura estua Eibarrekin. Txistuaren munduan 7 urte inguru zituela hasi zen Amalur dantza-taldean. Eibarko kontserbatorioan egin zituen lehengo musika-ikasketak, Donostiako kontserbatorioan jarraitu eta bertan amaitu zituen 1989an. Jose Ignacio Ansorena katedradunarekin bukatu zuen txistu-karrera, aitortza gorenarekin. Biolontxelo eta zeharkako txirula-ikastaroak ere egin zituen.^[2]

Musikari ibilbidea[aldatu | aldatu iturburu kodea]

Gaztetatik hartu zuen parte Eibarko txistulari talde batean, eta 80ko hamarkadaren erdialdetik aurrera Eibarko Txistulari Bandako kide izan zen (geroago Usartza Txistulari Taldea izena hartu zuena). Bere bizitza musika irakaskuntzan eman zuen, hainbat ikastetxetan, zein musika eskoletan irakasle arituz (Eibar, Ermua, Bergara, Soraluze, Gasteiz, Mutriku…). Herri mailako eta Euskal Herriko hainbat txistulari -lehiaketatan parte hartu zuen, banaka zein taldeka, baita zenbait sari eta errekonozimendu lortu ere. Bilboko Udal Bandan ere hainbat aldiz parte hartu du.

Beti ibili zen kalejiretan, kontzertuetan eta alardeetan parte hartzen eta laguntzen (Eibarren, Ermuan, Deban, Soraluzen, Bilbon, Durangon, Zornotzan eta Donostian). Txistuaren kultura eta musikarekin zerikusia duen guztiari eusteko eta irakasteko helburua zuen.

Eibarrren hainbat txistu kontzertu antolatu eta zuzendu zituen. Kontzertuotan berrikuntzak txertatzen ere saiatu zen, betikoari eutsiz baina aire berriak eta musika tresna anitz gehituz.^[3]^[4]^[5]