Elkano Kopa

Artikulu hau errugbi txapelketari buruzkoa da; beste esanahietarako, ikus «Elkano (argipena)».

Elkano Koparen lehen edizioa, Tonga eta Estatu Batuen arteko partida, Anoeta estadioan.

2018an Estatu Batuek eta Samoak jokatu zuten elkarren aurka.

Elkano Kopa edo Elcano Cup Donostiako Anoeta estadioan jokaturiko nazioarteko errugbi txapelketa da. 2016an abiatu zen eta hurrengo urteetan jarraitzeko helburua zuen arren ez da beste ekitaldirik izan. 2018an beste partida bat jokatu zen baina ez zuen Elkano Kopa izenik izan.

Historia

Rugby Challenge Donostia enpresaren proiektua Anoetako estadioaren birmoldaketa inauguratzeko Zeelanda Berriaren eta Frantziaren arteko partida antolatzea zen, eta hori iritsi bitartean urtero Elkano Kopa antolatu nahi izan zuten maila oneko selekzioen artean. Lehenengo ekitaldian Tongako selekzioak Estatu Batuetakoa garaitu zuen 20-17 emaitzaz. 2017 urteko ekainerako Argentinako selekzioa ekarri nahi izan zuten baina ez zuten lortu.

2018ko azaroaren 10ean partida berri bat jokatu zen eta Estatu Batuek azken jokaldian Samoari irabazi zioten. Bera Bera Rugby Taldea izan zen antolatzailea eta ez zuen Elkano Kopa izena izan.

Partidak

Urtea	Irabazlea	Emaitza	Galtzailea
2016	Tonga	20-17	Estatu Batuak
2018	Estatu Batuak	30-29	Samoa

Kanpo estekak

• (Gaztelaniaz)(Ingelesez) Rugby Challenge Donostiaren webgunea

• Datuak: Q31187940