Frantziako errugbi selekzioa

Frantzia
Etxean Kanpoan
Federakundea	Fédération Française de Rugby
Sortu:	1906
Ikurra:	Oilarra
Izendapena:	Oilarraren XV-a, les Bleus, les Coqs, les Tricolores
Estadioa:	Stade de France, Paris (80.430)
Entrenatzailea:	Jacques Brunel
Kapitaina:	Guilhem Guirado
Estreinaldi Internazionala Frantzia 8:38 Zeelanda Berria 1906ko urtarrilaren 1a
Garaipen Handiena Brasil 7:99 Frantzia 1974ko uztailaren 2a
Porrot Handiena Zeelanda Berria 61:10 Frantzia 1997ko ekainaren 9a
Munduko Errugbi Kopa
Partaidetzak	7 (aurrenekoa 1987. urtean)
Emaitza Onena	Txapeldunordeak (1987, 2003 eta 2011an)
Sei Nazioen Torneoa
Partaidetzak	89
Emaitzak	17 txapelketa (9 Slam Nagusi)

Frantzia-Gales 2007an.

Frantziako errugbi selekzioa Europako talderik hoberena da gaur egun eta mundu mailan ere 4.a sailkatuta dago 2011ko rankinaren arabera. 1910an hasi zen Britainiar taldeekin lehian baina lehenengo txapelketa 1954an irabazi zuen. Ordutik aurrera garaipen gehien lortu dituen taldea izan da.

Historia

Sorrera

Frantzian 1872an sartu zuten errugbia britainiarrek. 1906an Zeelanda Berriak Europan zehar bira egin zuen eta Frantziak selekzioa osatu zuen haien aurka partida jokatzeko. Parisen izan zen partida eta etxekoek 38-8 galdu zuten.

Bost Nazioen Txapelketa

1910an Home Nations txapelketan sartzea lortu zuen eta Five Nations (Bost Nazioak) izena hartu zuen txapelketak, baina Frantziak ez zuen garaipenik lortu. 1932an txapelketatik kanporatua izan zen Frantziako Ligan jokalari profesionalak zeudela argudiatuta, izan ere gainontzeko naziotako taldeak erabat amateurrak baitziren.

1939an berriz sartzeko baimena eman zioten baina Bigarren Mundu Gerraren ondorioz 1947 arte ez zen Bost Nazioetan aritu. 1954an txapelduna izan zen Ingalaterra eta Galesekin batera eta 1959an bakarka txapeldun izatea lortu zuen. Hego Afrikan bira bat egin zuen eta oso arrakastatsua izan zen gainera. Ordutik aurrera Bost Nazioen txapelketan garaipen gehien lortu duen taldea izan da. Bereziki emankorrak izan ziren 1960. heta 1980. hamarkadak.

Azken hamarkadak

1987an Munduko Errugbi Txapelketa antolatu zen lehen aldiz eta Frantzia finalera iritsi zen. Zeelanda Berriak 29-9 emaitzaz garaitu zuen. 1999 eta 2011 urteetan ere finala jokatu zuen baina ez du oraindik txapelketarik irabazterik lortu.

1993tik aurrera zortzi aldiz irabazi du Bost (Sei) Nazioen Txapelketa eta hauetatik bostetan Slam nagusia lortuz. Azkenengo garaipena 2010koa du.

Uniformea

2010-2011

2011-2012

2012-2013

2014

2015-2016

2016-2017

2018

Palmaresa

Munduko Errugbi Txapelketa

Urtea	Antolatzailea	Postua
1987	Zeelanda Berria eta Australia	Finalista
1991	Ingalaterra	Final 1/4ak
1995	Hegoafrika	3.a
1999	Gales	Finalista
2003	Australia	4.a
2007	Frantzia	4.a
2011	Zeelanda Berria	Finalista
2015	Ingalaterra	Final 1/4ak

Sei Nazioak

Sei Nazioen Txapelketa

Sailkapen Orokorra:

Selekzioa	Jokatutako txapelketak	Irabazitako txapelketak	Slam nagusiak	Garaipen partekatuak	Koroa hirukoitza	Zurezko koilara
Ingalaterra	122	28	13	10	25	25
Gales	124	26	11	12	20	21
Eskozia	124	15	3	8	10	33
Irlanda	124	14	3	9	11	36
Frantzia	89	17	9	8	-	18
Italia	19	0	0	0	-	13

Azken eguneratzea: 2018ko martxoaren 17an

• Txapelduna (17): 1959, 1961, 1962, 1967, 1968, 1977, 1981, 1987, 1989, 1993, 1997, 1998, 2002, 2004, 2006, 2007, 2010.
• Txapeldun elkarbanatua (8): 1954, 1955, 1960, 1970, 1973, 1983, 1986, 1988.
• Slam nagusia (9): 1968, 1977, 1981, 1987, 1997, 1998, 2002, 2004, 2010.
• Eurostar saria (7): 2002, 2004, 2005, 2006, 2010, 2014, 2018.
  • Ingalaterra 12 - Frantzia 7
• Giuseppe Garibaldi Trofeoa (10): 2007, 2008, 2009, 2010, 2012, 2014, 2015, 2016, 2017, 2018.
  • Frantzia 10 - Italia 2

Europako Nazioen Kopa

• Txapelduna (25): 1936, 1937, 1938, 1952, 1954, 1966, 1967, 1968, 1970, 1971, 1972, 1973, 1974, 1976, 1978, 1979, 1980, 1982, 1984, 1985, 1987, 1989, 1990, 1992, 1994.
• Txapeldunordea (4): 1969, 1975, 1977, 1997.

Olinpiar Jokoetako txapelketa

• Txapelduna (1): 1900.
• Txapeldunordea (2): 1920, 1924.

Jokalarien errekorrak

Kontzeptua	Jokalaria	Datua
Puntu gehien	Frédéric Michalak	422 puntu
Entsegu gehien	Serge Blanco	38 entsegu
Parte hartze gehien	Fabien Pelous	118 partida (13 urte)
Entrenatzailea	Jacques Fouroux	10 urte

Emakumezkoen selekzioa

Frantzia
Etxean Kanpoan
Federakundea
Sortu:	1982
Ikurra:	Oilarra
Izendapena:
Estadioa:
Entrenatzailea:
Kapitaina:
Estreinaldi Internazionala Frantzia 4-0 Herbehereak 1982ko apirilaren 13a
Garaipen Handiena Frantzia 99-0 Japonia 1994ko apirilaren 17a
Porrot Handiena Zeelanda Berria 109-0 Frantzia 1996ko irailaren 14a
Munduko Errugbi Kopa
Partaidetzak	7 (aurrenekoa 1991. urtean)
Emaitza Onena	3.a (1991, 1994, 2002, 2006, 2014)
Sei Nazioen Torneoa
Partaidetzak	23
Emaitzak	6 txapelketa (5 Slam Nagusi)

Frantziako emakumezkoen selekzioak 1982an jokatu zuen aurreneko partida eta ordutik emaitza bikainak lortu ditu Munduko Txapelketan dominak jasoz eta Sei Nazioen Txapelketan ekitaldiak irabaziz.

Historia

Emakumezkoen arteko aurreneko partidak 1890 hamarkadan jokatu ziren Frantzian. 1965. 1920 hamarkadan "barette" izeneko errugbiaren aldaera oso arrakastatsua izan zen baina 1930rako kirola desagertu egin zen. 1965 urtean Touluse eta Lyongo emakumezko ikasle batzuek errugbi partida bat antolatu zuten Munduko gosea kentzeko karitatezko ekintza gisa, eta halako arrakasta izan zuen 1969an Errugbi elkartea sortu eta lehiaketak abiatu zirela, garaiko gobernu eta federazioaren iritzien aurka. 1982an selekzioak aurreneko partida jokatu zuen.

Palmaresa

• Emakumezkoen Munduko Errugbi Txapelketa
  • Hirugarren (5): 1991, 1994, 2002, 2006, 2014
  • Laugarrena (1): 2010
• Emakumezkoen Sei Nazioen Txapelketa
  • Txapeldun (6): 2002, 2004, 2005, 2014, 2016, 2018
  • Slam Nagusia (5): 2002, 2004, 2005, 2014, 2018
• Europako Errugbi Kopa
  • Txapeldun (5): 1988, 1996, 1999, 2000, 2004
  • Finalista (4): 1995, 2003, 2007, 2012

Ikus, gainera

• Frantziako errugbi txapelketa

Kanpo loturak

Wikimedia Commonsen badira fitxategi gehiago, gai hau dutenak: Frantziako errugbi selekzioa

• (Frantsesez)Frantziako Errugbi Federazioa