Zeelanda Berriko errugbi selekzioa

Zeelanda Berria
Etxean Kanpoan
Federakundea	New Zealand Rugby Union
Sortu:	1892
Ikurra:	Zilarrezko iratzea
Izendapena:	All Blacks
Estadioa:
Entrenatzailea:	Steve Hansen
Kapitaina:	Kieran Read
Estreinaldi Internazionala Australia 3:22 Zeelanda Berria 1903ko abuztuaren 15a
Garaipen Handiena Zeelanda Berria 145:17 Japonia 1995eko ekainaren 4a
Porrot Handiena Australia 28:7 Zeelanda Berria 1999ko abuztuaren 28a
Munduko Errugbi Kopa
Partaidetzak	8 (aurrenekoa 1987an)
Emaitza Onena	Txapeldunak 1987, 2011 eta 2015ean

Zeelanda Berriko jokalariak Haka izeneko dantza maoria egiten.

Zeelanda Berriko errugbi selekzioa mundu mailako talde onenen artean dugu eta 2011ko rankinaren arabera 1.a da. Historian zehar bildutako datu guztiak kontuan hartuta, inoizko selekziorik onena dela ondorioztatu dezakegu. 1903tik "All Blacks"-ek jokatu dituzten partida guztien %75a irabazi dute.

Haka izeneko maori dantza egiten dute partidak hasi baino lehen.

Historia

Errugbiaren hastapenak

Charles John Monro izan zen 1870an errugbia Zeelanda Berrian sartu zuena. Ingalaterran ikasten ibilia zen eta handik ekarri zuen. Lehenengo partida Nelson hirian izan zen 1870an bertan Nelson Club eta Nelson Collegeren artean. 1882an Australiako Hegoaldeko Gales Berriko selekzio batek bira egin zuen Zeelanda Berrian eta 1888an British and Irish Lions britainiar selekzioa etorri zen.

Selekzioaren sorrera

Zeelanda Berriko selekzioaren lehenengo partida 1903an izan zen eta Australiako selekzioari 22-3 irabazi zion. 1905 eta 1906 artean Uharte Britanikotan, Frantzian eta Estatu Batuetan zehar bira luze bat egin zuen eta jokaturiko 35 partidatatik 34 irabazi zituen. Galdutako partida bakarra Galesen aurkakoa izan zen. Ingalaterrako kazetari batek jarri zien orduan "All Blacks" ezizena.

Kondaira handiaren sorrera

Hurrengo hamarkadetan bira gehiago egin zituen, hala Europara, nola Hego Afrikara, eta partida gehienetan garaile atera ziren. "All Golds" (dena urrea) eta "the Invincibles" (garaitezinak) ezizenak eman zitzaizkien. 1932an Bledisloe Kopa hasi zen jokatzen Australia eta Zeelanda Berriaren artean. Bi urtetik behin jokatzen zen eta gehienetan Zeelanda Berria nagusitu zen.

1949an bi tour egin zituen aldi berean, bata Australian eta bestea Hego Afrikan. Australian maori jokalariez osaturiko taldea osatu zuen, izan ere Hego Afrikara joateko debekua hartu baitzuten hauek. Taldea bitan banatzeak Zeelanda Berriko selekzioa nabarmen ahuldu zuen eta emaitzak txarrak izan ziren.

1960 hamarkadan talde indartsua osatu zuen berriro eta Europarako tourrak itzuli ziren. 1965 eta 1970 artean 17 garaipen lortu zituen jarraian. Errekor hau Hego Afrikak 1998an gainditu zuen eta Lituaniak 2010an.

Azken hamarkadak

1987an Munduko Errugbi Txapelketa abiatu zen eta Zeelnada Berria lehen ekitaldiko txapelduna izan zen. 1995ean profesionalismoa iritsi zen Mundu guztiko errugbi taldeetara eta 1996an Hiru Nazioen Txapelketa abiatu zen. Hegoaldeko txapelketa hau 12 aldiz irabazi du Zeelanda Berriak. Azken hamarkadan talde izugarria osatu du berriz eta 2011 eta 2015eko Munduko Txapelketan eskuratu ditu.

Uniformea

2011-2014

2015-2016

2017-2018

2019

Palmaresa

Munduko Errugbi Txapelketa

Honako hauek dira Munduko Errugbi Txapelketan izandako emaitzak:

Urtea	Antolatzailea	Postua
1987	Zeelanda Berria eta Australia	Txapelduna
1991	Ingalaterra	3.a
1995	Hegoafrika	Finalista
1999	Gales	4.a
2003	Australia	3.a
2007	Frantzia	Final 1/4ak
2011	Zeelanda Berria	Txapelduna
2015	Ingalaterra	Txapelduna

Hegoaldeko Rugby Championship

Honako hauek dira Hegoaldeko Rugby Championshipeko emaitzak:

• Txapelduna (16): 1996, 1997, 1999, 2002, 2003, 2005, 2006, 2007, 2008, 2010, 2012, 2013, 2014, 2016, 2017, 2018
• Bigarrena (5): 2000, 2001, 2009, 2011, 2015
• Bledisloe Kopa (45): 1932, 1936, 1938, 1946, 1947, 1951, 1952, 1955, 1957, 1958, 1962, 1964, 1967, 1968, 1972, 1974, 1978, 1982, 1984, 1985, 1987, 1988, 1989, 1990, 1991, 1993, 1995, 1996, 1997, 2003, 3004, 2005, 2006, 2007, 2008, 2009, 2010, 2011, 2012, 2013, 2014, 2016, 2017, 2018, 2019
  • Zeelanda Berria 45 -Australia 13
• Freedom Kopa (11): 2006, 2007, 2008, 2010, 2011, 2012, 2013, 2014, 2015, 2016, 2017
  • Zeelanda Berria 11 - Hego Afrika 2

Ozeano Bareko Nazioen Errugbi Kopa

Zeelanda Berriko taldeek Ozeano Bareko Nazioen Errugbi Koparen lehenengo lau edizioetan hartu zuten parte eta denak irabazi zituzten. Hiru urtetan Junior All Blacks izan zen txapelduna, gazteen selekzioa, eta beste txapelketa Māori All Blacks taldeak irabazi zuen, jokalari guztiek Māori jatorria zeukaten.

• Txapelduna (4):
  • Junior All Blacks (3): 2006, 2007, 2009
  • Māori All Blacks (1): 2008

Jokalari ezagunak

"All Blacks" Ingalaterraren aurka.

1. Dave Gallaher (1873-1917).
2. George Nepia (1905-1986).
3. Fred Allen (1920-2012)
4. Don Clarke (1933-2002).
5. Wilson Whineray (1935-2012).
6. Colin Meads (1936-2017).
7. Brian Lochore (1940-2019).
8. Ian Kirkpatrick (1946-).
9. Graham Mourie (1952-).
10. Grant Fox (1962-).
11. Sean Fitzpatrick (1963-).
12. John Kirwan (1964-).
13. Michael Jones (1965-).
14. Jonah Lomu (1975-2015).
15. Richie McCaw (1980-).
16. Dan Carter (1982-).
17. Kieran Read (1985-).

Ikus, gainera

• Zeelanda Berriko cricket selekzioa

Kanpo estekak

Wikimedia Commonsen badira fitxategi gehiago, gai hau dutenak: Zeelanda Berriko errugbi selekzioa

• (Ingelesez)Zeelanda Berriko errugbi federazioa