Eulien Jauna

Wikipedia, Entziklopedia askea
Hona jauzi: nabigazioa, Bilatu
Artikulu hau Eleberriari buruzkoa da; beste esanahietarako, ikus «Lord of the Flies (1990eko filma)».
Eulien Jauna
Datuak
Egilea William Golding
Argitaratze-data 1954
Generoa Eleberri alegorikoa
Jatorrizko izenburua Lord of the Flies
Argitaratzailea Faber and Faber
Herrialdea Erresuma Batua
ISBN 0-571-05686-5
OCLC 47677622
Euskaraz
Izenburua Eulien Jauna

Eulien Jauna (ingelesez Lord of the Flies) 1954an William Golding ingeles idazle eta Literaturako Nobel Saridunak idatzitako eleberri alegoriko bat da. Itsasoaren erdian populaturik gabeko uharte batera iritsi diren britainiar gaztetxo batzuen arteko elkarbizitza eta biziraupena, nahiz beren gobernu eta zibilizarioaren ezartzearen ondorio kaltegarriak eta hondamendia azaltzen ditu.

Izenburuak filistiarren Beltzebu jainkoak Biblian jasotzen duen ezizenetako bati aipamen egiten dio, hain zuzen ere, kristau mitologia edo siniskeran deabruaren parekidea bilakatua. Alegia, antzinatik gizakien ankerkeria eta gaiztakeriarekiko berezko izaerarekin lotura egiten duen izenburua da.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

Mundu Gerra batetan zehar ekaitz baten ondorioz hegazkin istripu bat izan eta 30 britainiar mutikoez osatutako taldea itsasoaren erdian dagoen populaturik gabeko uharte batera iristea lortuko du. Bertan bizirauteko beren buruak eta bizimodua antolatu beharko dituzte: elikagaiak topatu, bizilekuak eraiki eta zibilizarioaren antzeko antolamendu egoki bat gauzatu. Baina denbora gutxira gauzak okertuz joango dira, liskarrak piztu eta elkarren artean arerioak diren bi talde sortuko dira, azkenean ankerkeria eta basakeria jaun eta jabe eginez.

Pertsonaiak[aldatu | aldatu iturburu kodea]

  • Ralph: eleberriaren protagonista, hamahiru urteko mutikoa, taldearen buruzagi nagusia hautatua. Ralphek beti denen ongizatea eta taldearen oreka lortzen saiatuko da, horretarako ahal den heinean Piggyren laguntza izango du. Ongi heziegia da, eta une larrienetan ere logika erabili ohi du. Heldu gisa pentsatzen duen taldekide bakarra da. Zentzua irudikatzen du.
  • Piggy: Ralph ez beste gainontzeko mutikoak trufatzen diren mutikoa, nahiz eta buruargia izan, bere itxura dela eta (lodikotea eta betaurrekoduna), asma du. Ralphen taldeko kidea da. Zibilizazioa eta demokrazia irudikatzen du.
  • Jack: Ralphen adin berdineko mutikoa eta haren botereaz jeloskor denez baita bere arerioa ere. Itxuraz eta izaeraz oso mehea, ilegorria, harroputza, ezkorra eta mainontzia da.Ehiztarien taldeko burua ere bada eta ehizaz obsesionatzen denean bere izaera ere aldatuz joango da. Bostizkeria eta faxismoa irudikatzen ditu.
  • Simon: konortea erraz galtzen duen mutiko jator eta oso lotsatia, epilepsia baitu. Itxuraz txikia, begi handiak eta azalez beltzarana ditu, bere lagun bakartzat Ralph du. Jakinmin asekaitza du, uhartean egoteaz gozatzen duen bakarrenetakoa da, bertako landare eta animaliekin egoteko leku bat topatzera ere iritsiko da. Mutiko askok arrarotzat jotzen dute. Azkenean piztiarekin nahastu eta hiltzen dutenez, Jesukristoren sakrifizioa irudikatzen ote duen eztabaidatu izan da.
  • Sam e Eric: hamabi urteko biki banaezinak dira; nahiz eta Jackek egiten dituen gauzekin ados ez egon beren bizi baldintzak hobetze aldera haren taldera batuko dirai. Herria edo jendetza irudikatzen dute.
  • Roger: Jacken "ehiztarien tribuko" kidea da. Mutiko oso lasai eta isila da, ez du askorik hitz egiten. Azalez beltzarana, garaia eta begirada galdua ditu. Lehen sua itzaltzen denean atsekabetua eta etsitua sentitu arren, azkenean Jacken taldeko bigarren buruzagia bilakatuko da. Bertan helduen begiradapean ez daudela ohartzean, bere bortizkeria nahieran erabiltzen hasiko da. Sadismoa irudikatzen du.
  • Txikiak": sei-zazpi urte arteko mutikoak dira, taldeko kideen gehiengoa osatzen dute.

Zinema[aldatu | aldatu iturburu kodea]