Federico Martín Aramburú
| Federico Martín Aramburú | |
|---|---|
| Bizitza | |
| Jaiotza | La Plata, 1980ko urtarrilaren 20a |
| Herrialdea |  Argentina  Frantzia |
| Heriotza | Parisko 6. barrutia eta Paris, 2022ko martxoaren 19a (42 urte) |
| Heriotza modua | giza hilketa: bala zauria |
| Jarduerak | |
| Jarduerak | hamabosteko errugbilaria |
| Posizio edo espezialitatea | hegalekoa erdikoa |
| Pisua | 86 kilogramo |
| Altuera | 183 zentimetro |
Federico Martín Aramburu (La Plata, 1980ko urtarrilaren 20a - Paris, 2022ko martxoaren 19a) argentinar errugbilaria izan zen, erdiko postuan aritzen zena. 22 partida jokatu zituen Argentinako errugbi selekzioarekin, eta Frantziako 2007ko Munduko Errugbi Kopan hirugarren postua lortu zuen selekzioko kidea izan zen. Parisen eraila hil zen.
Bizitza
[aldatu | aldatu iturburu kodea]Federico Martín Aramburu La Platan jaio zen 1980ko urtarrilaren 20an. Buenos Aires Handiko Club Atlético San Isidron hasi zuen bere kirol ibilbidea. 2004an, Biarritz Olympiquek kontratatu zuen. Bi aldiz izan zen Top14ko txapeldun Lapurdiko taldearekin, 2005ean eta 2006an. Perpinyanen eta Akizen ere jokatu zuen, baita Glasgow Warriorsen ere. Argentinarekin hirugarren izan zen 2007ko Munduko Kopan. 22 partida jokatu zituen selekzioarekin.[1]
Erretiratu ondoan Biarritzen bizi izan zen, eta turismo alorreko enpresa batean egin zuen lan, Hegarty bazkidearekin. Biarritz Olympiqueko bazkideen elkarteko presidente izan zen 2015etik 2018ra, eta administrazio kontseiluko kide ere izan zen.[1]
2022ko martxoaren 19an, tiroz hil zuten Parisen. Shaun Hegarty kirolariarekin zebilen Boulevard Saint-Germain auzoan, eta taberna batean iskanbila izan zuten bi pertsonarekin. Banatu egin zituzten han zeuden beste batzuek, baina, geroago, auto batean itzuli ziren bi pertsona horiek, eta kalean tirokatu zuten Aramburu. Lauzpabost tiro jaso zituen errugbilari ohiak. Ustezko hiltzailea, Loik Le Priol eskuin muturreko militantea, hiru egun geroago atxilotu zuten Hungarian.[2]
Palmaresa
[aldatu | aldatu iturburu kodea]Biarritz Olympique
[aldatu | aldatu iturburu kodea]- Top 14
- txapelduna: 2005, 2006
- Europako Errugbi Txapeldunen Kopa
- finalista: 2006
2007ko Munduko Kopa
[aldatu | aldatu iturburu kodea]Aramburuk 2007ko Munduko Errugbi Kopa jokatu zuen Argentinako selekzioarekin. Multzoen fasean entsegu bat lortu zuen Georgiaren aurkako partidab; eta beste bat Frantzia aurka, hirugarren posturako partidan.
| Txapelketa | Herrialdea | Emaitza | Partidak | Entseguak |
|---|---|---|---|---|
| 2007ko Munduko Errugbi Kopa | Frantzia
|
Hirugarren postua | 3 | 2 |
Erreferentziak
[aldatu | aldatu iturburu kodea]- ↑ a b Lartzanguren, Edu. Eskuin muturreko ekintzaile baten bila ari dira, Aramburu errugbilariaren heriotzarengatik. Berria, 2022ko martxoak 21, CC BY-SA 4.0, berria.eus (Noiz kontsultatua: 2022-3-23).
- ↑ Lartzanguren, Edu; Ostolaza, Paulo. Hungarian atxilotu dute Aramburu errugbilariaren ustezko hiltzailea. Berria, 2022ko martxoak 23, CC BY-SA 4.0, berria.eus (Noiz kontsultatua: 2022-3-23).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q2313220
Multimedia: Federico Martín Aramburú / Q2313220