Artikulu hau "Kalitatezko 1.000 artikulu 12-16 urteko ikasleentzat" proiektuaren parte da

Florida parkea

Wikipedia, Entziklopedia askea
Hona jauzi: nabigazioa, Bilatu
Florida parkea
Kiosko de Música.jpg
Florida parkeko kioskoa.
Kokapena
kokapenmapa
Helbidea Floridako ibilbidea, Becerro de Bengoa kalea, Cadena y Eleta Apezpikuaren kalea eta Santiago Ramon y Cajal kalea artean hedatzen da.
Lovaina auzoa
Koordenatuak 42° 50′ 39″ N, 2° 40′ 35″ W / 42.844225°N,2.67641389°W / 42.844225; -2.67641389Koordenatuak: 42° 50′ 39″ N, 2° 40′ 35″ W / 42.844225°N,2.67641389°W / 42.844225; -2.67641389
Arkitektura

Florida parkea Arabako Gasteiz hiriburuaren erdigunean dagoen parke bat da. Hiri honetako Lovaina auzoan kokatzen da, honako kale hauen artean hedatzen delarik: Floridako ibilbidea, Becerro de Bengoa kalea, Cadena y Eleta Apezpikuaren kalea eta Santiago Ramon y Cajal kalea.

Gaur egun 32.454 metro karratuko azalera du eta erdigunean egonik gasteiztarren parke kuttunenetakoa da.

Historia[aldatu | aldatu iturburu kodea]

1820an Birgitarren komentuaren baratzeetan parke honetako eraikuntza-lanak egiten hasi ziren. Gaur egun, XIX. mendeko estilo erromantikoz sortutako parke hau Eusko Legebiltzarraren eraikinaren atzealdean dago.

Parkearen bihotza 1890an eraikitako dantza-kioskoa ere da. Adinekoen leku kuttuna da, bertan izaten dute musika lasaiari segiz dantzan egin eta ezagunekin elkartzeko lekua.

2012. urtean Gasteiz Europako Hiri Buru Berdea izango denez, parkea hiriko birika gisa indarberrituko da.

Parkea[aldatu | aldatu iturburu kodea]

Parkearen mutur batean Eusko Legebiltzarraren eraikina kokatzen da, hain zuzen ere Becerro de Bengoa kaleko aldean. Gainera, parkearen ipar-ekialdean Gasteizko Katedral Berria eta Arabako Elizbarrutiko Arte Sakratuaren Museoa ere kokatzen dira.

Parkea musika-kioskoa eta hainbat iturri, zubi eta errekatxoz osatua dago. Bestalde, parkean bertan hiriko nahiz nazioarteko hainbat pertsona ezagunen omenezko estatuak daude: Manuel Iradier, Eduardo Dato, Ignacio Aldekoa, Wynton Marsalis...

Parkeko leku ezezagun bezain bitxia koba deritzona da. Harritzarraren barruan sortutako zuloa urtean behin besterik ez da irekitzen; bitartean hesi batek ixten du iluntasunerako atea. Gabonetan irekitzen dute eta parkea Belen erraldoia bilakatzen da, eta, koba, Jesus txikiaren gordeleku. Lastoz eta suz inguraturik Jesus txikia bertan jartzen dute gasteiztarrek bisita dezaten.

Landaredia eta zuhaitzak[aldatu | aldatu iturburu kodea]

Arkitektura bitxia izateaz gain, Florida parkea landarerian altxorra ere bada. Ehunka zuhaitz eta zuhaixka desberdin daude parkean, horietatik batzuk 150 urtetik gora dituzte.

Iruditegia[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Florida parkea Aldatu lotura Wikidatan
Portal.svg
Euskarazko Wikipedian bada atari bat, gai hau duena:
Gasteiz