Genie Espinosa

Genie Espinosa
	;
Bizitza
Jaiotza	Bartzelona, 1984ko otsailaren 20a (40 urte)
Herrialdea	Katalunia
Jarduerak
Jarduerak	ilustratzailea eta margolaria
Jasotako sariak	ikusi Prize "Josep Toutain" to the Best New Talent (2022) ;

Genie Espinosa (Bartzelona, Katalunia, 1984ko otsailaren 20a) artista da, marrazkilaria eta ilustratzailea. Bere lanen ardatzetako bat feminismoa da.^[1]

Biografia[aldatu | aldatu iturburu kodea]

Ilustrazio eta diseinu grafikoko heziketa-zikloak ikasi zituen Badalonan, baina bietako batek ere ez zion asko lagundu lan-munduan. Hamar urtez diseinatzaile grafiko lanetan aritu ondoren, dena utzi eta Bristolera joan zen, bizitza han irabaz zitekeen ikustera. Ingalaterran konturatu zen, hala ere, gehien gustatzen zitzaionetik bizitzea lor zezakeela: ilustrazioa.^[2]

Ilustratzaile ibilbidea[aldatu | aldatu iturburu kodea]

Hasieran haurrentzako ilustrazioak egiten zituen, editorearen edo arte zuzendariaren argibideak jarraituz. Ondoren, aniztasuna islatzeko asmoa sortu zitzaion, beste kolektibo batzuei ahotsa emateko premia eta helduentzako ilustrazioak egitera jo zuen, bere lengoaia esploratzen, eta interesatzen zitzaizkion arloez hizketan.^[3] Genieren aipua:

Nire marrazkien bidez, eremu seguruak sortu nahi ditut pertsona ez-normatiboentzat, ez-bitarrentzat, gurpildun aulkian doazenentzat, emakumeentzat.

Ilustratzaile freelancea da. Bere erreferente handienetako bat Helen Dardik da, Kanadan bizi den ilustratzailea. Leo Espinosa, Utahn bizi den ilustratzaile kolonbiarra ere hortxe dago. Harekin pertsonalki ikasteko zortea izan zuen. Disneyko jendea, hala nola Mary Blair edo Alice & Martin Provensen ilustratzaileak, erreferente handiak dira Genierentzat. Bob Staake eta Marc Boutavant ezin dira ahaztu. Gainera, bere inguruan komiki-marrazkilariak eta ilustratzaileak ditu, hala nola Natacha Bustos, Clara Soriano eta Ana Oncina.^[2]