Gloria Bolotsky

Gloria Bolotsky
Bizitza
Jaiotza	New York, 1921eko uztailaren 28a
Herrialdea	Ameriketako Estatu Batuak
Heriotza	Gaithersburg (Maryland), 2009ko ekainaren 30a (87 urte)
Hezkuntza
Heziketa	Brooklyn College (en)
Jarduerak
Jarduerak	informatikaria

Gloria Gordon Bolotsky (New York, 1921eko uztailaren 28a – Gaithersburg, 2009ko ekainaren 30a) estatubatuar informatikaria izan zen, eta ENIAC konputagailuaren lehen programatzaileetako bat.^[1]

Biografia

Gordon New Yorken jaio zen eta erizaintzako eskolara joan zen, baina azkenean matematikako gradu batekin lizentziatu zen New York Hiriko Unibertsitateko College de Brooklyn-en.^[2] 1948an Max Bolotsky metalurgikoarekin ezkondu zen, eta bost alabak Rockvillen (Maryland) hazi zituzten.^[3] Gordonen senarra 1998an hil zen, 49 urtez ezkonduta egon ondoren. Gordon bera minbiziak hil zuen 2009ko ekainaren 30ean Gaithersburgen, Marylanden, eta Virginiako King David Memorial Gardensen lurperatu zuten.^[4]

Ibilbidea

Gordonek Brooklyn Navy Yarden lan egin zuen matematikari gisa Filadelfiara joan aurretik, 40ko hamarkadan Pennsylvaniako Unibertsitateko ingeniaritza eskolan sartzeko. ENIAC ordenagailuaren programazioan parte hartu zuen ehun zientzialari inguruk osatutako talde bateko kide izan zen, AEBetako armadarentzako artilleriako tiro-taulak kalkulatzeko diseinatua. Hasierako programazioa sei emakumek egina zuten: Betty Snyder Holberton, Betty Jean Jennings Bartik, Marlyn Wescoff Meltzer, Ruth Lichterman Teitelbaum, Kathleen McNulty Mauchly Antonelli eta Frances Bilas Spence.^[1]^[2]^[5]

1946an, Life aldizkariak ENIACen argazki bat argitaratu zuen, bertan lanean ari ziren bi emakumerekin. Bere garaian identifikatu ez bazituzten ere, handik denbora batera jakin zen makurtuta zegoen emakumea Gordon zela eta bestea Ester Gerston bere laguna.^[6]

Filadelfiatik 1947an kontratatu zuten Gordon, Aberdeen Proving Ground armada estatubatuarrak Marylanden zuen instalazioan talde sekretu bat osatzeko. 50eko hamarkadan, Towson-eko institutu batean matematikako irakasle aritu zen urtebetez. 1963an, Gaithersburgeko Estandarren eta Teknologiaren Institutu Nazionalean sartu zen, eta bertan lan egin zuen hurrengo hogei urteetan. Ekarpen nabarmenak egin zituen informatika-sareetan, telekomunikazio-sistemetan sareak sartzen eta kostuak optimizatzeko tekniketan.^[1]^[2]

Argitalpenak (hautaketa)

R G Saltman; Gloria R Bolotsky; Zella G Ruthberg (1973). Heuristic cost optimization of the federal telpak network. U.S. National Bureau of Standards.
Michel J Orceyre; Robert H Courtney; Gloria R Bolotsky (1978). Considerations in the selection of security measures for automatic data processing systems. U.S. Dept. of Commerce, National Bureau of Standards.
Joseph Collica; Mark Skall; Gloria R. Bolotsky (1980). Conversion of federal ADP systems: a tutorial. U.S. Dept. of Commerce, National Bureau of Standards.
Editorial contributions – Gerald D. Cole; Institute for Computer Sciences and Technology (1978). Design Alternatives for Computer Network Security. National Bureau of Standards.

Erreferentziak

↑ ^a ^b ^c (Gaztelaniaz) Stadler, Marta Macho. (2017-07-28). «Gloria Gordon Bolotsky, programadora» Mujeres con ciencia (Noiz kontsultatua: 2024-07-28).
↑ ^a ^b ^c (Ingelesez) Sullivan, Patricia. (2009-07-26). Gloria Gordon Bolotsky, 87; Programmer Worked on Historic ENIAC Computer. ISSN 0190-8286. (Noiz kontsultatua: 2024-07-28).
↑ «Marriage Licenses». Brooklyn Eagle., 24 or..
↑ «Gloria Bolotksy Obituary (2009) - Washington, DC - The Washington Post» Legacy.com (Noiz kontsultatua: 2024-07-28).
↑ Fritz, W. Barkley. (1996). . «The Women of ENIAC». IEEE Annals of the History of Computing.
↑ Sydell, Laura. (2013). «Blazing The Trail For Female Programmers». National Public Radio..

Bibliografia

da Cruz, Frank (8 de noviembre de 2013). «Programming the ENIAC» (ingelesez). Columbia University Computing History.
Steel, Martha Vickers (2001eko abenduaren 11a). «Women in Computing: Experiences and Contributions Within the Emerging Computing Industry»

Kanpo estekak

Datuak: Q20856042

[:1-1] (Gaztelaniaz) Stadler, Marta Macho. (2017-07-28). «Gloria Gordon Bolotsky, programadora» Mujeres con ciencia (Noiz kontsultatua: 2024-07-28).

[:0-2] (Ingelesez) Sullivan, Patricia. (2009-07-26). Gloria Gordon Bolotsky, 87; Programmer Worked on Historic ENIAC Computer. ISSN 0190-8286. (Noiz kontsultatua: 2024-07-28).

[3] «Marriage Licenses». Brooklyn Eagle., 24 or..

[4] «Gloria Bolotksy Obituary (2009) - Washington, DC - The Washington Post» Legacy.com (Noiz kontsultatua: 2024-07-28).

[5] Fritz, W. Barkley. (1996). . «The Women of ENIAC». IEEE Annals of the History of Computing.

[6] Sydell, Laura. (2013). «Blazing The Trail For Female Programmers». National Public Radio..

[1]

[2]

[3]

[4]

[5]

[6]