Gorren Olinpiadak

Lau urterik behin egiten diren kirol ekitaldiak dira gorren olinpiadak. Mundu mailako mugimendu bilakatu dira, eta iraupen luzeeneko kirol ekitaldia dira Olinpiar Jokoak berak baino gehiago irauten dutelarik.^[1]

Historia

1924an sortu zituzten, Parisen, Frantzian. Desgaitasuna duten atletentzat historiako lehen nazioarteko kirol ekitaldia izan zen.^[2] Gaur egun 109 herrialdek parte hartzen dute.

Parte hartzen duten kirolak honakoak dira: atletismoa (pista eta zelaia), badmintona, boloak, errepideko txirrindularitza, judoa, karatea, orientazioa, tiroa, igeriketa, mahai-tenisa, taekwondoa, tenisa, borroka librea, borroka greko-erromatarra eta talde-kirolak (saskibaloia, hondartzako boleibola, hondartza futbola, futbola, eskubaloia, boleibola eta waterpoloa).

Neguko diziplinak banakako kiroletakoak daude (alpetar eskia, iraupen eskia, snowboarding-a) baita taldeko kirolatakoak ere (curling-a eta izotz hockeya).

Gorren Olinpiadetan abisu guztiak bisualak dira, esaterako, bristada baten bidez adierazten zaie korrikalariei lasterketa hasi dela eta arbitroek banderak astintzen dituzte txilibitua jo beharrean. Audifonoak, inplante koklearrak eta antzekoak ezin dira lehiaketa bitartean atleta guztiak maila berean jartzeko.^[3]

Ekitaldia lau urterik behin ospatzen da, eta bi instantziatan banatzen dira: Udako Gorren Olinpiadak eta Neguko Gorren Olinpiadak. Negukoak 1946an sortu ziren. 1940tik 1948ra ez zen jokorik izan Bigarren Mundu Gerraren ondorioz, ezta 2011n neguko jokorik ere.

Ikus, halaber

Erreferentziak

↑ (Ingelesez) «International Committee of Sports for the Deaf» web.archive.org 2015-10-01 (Noiz kontsultatua: 2024-08-18).
↑ (Ingelesez) «Future Directions of the Deaflympics. - Free Online Library» web.archive.org 2012-10-13 (Noiz kontsultatua: 2024-08-18).
↑ (Ingelesez) «Historical overview of the Paralympics, Special Olympics, and Deaflympics. - Free Online Library» web.archive.org 2012-10-13 (Noiz kontsultatua: 2024-08-18).

Datuak: Q498635
Multimedia: Deaflympics / Q498635

[1] (Ingelesez) «International Committee of Sports for the Deaf» web.archive.org 2015-10-01 (Noiz kontsultatua: 2024-08-18).

[2] (Ingelesez) «Future Directions of the Deaflympics. - Free Online Library» web.archive.org 2012-10-13 (Noiz kontsultatua: 2024-08-18).

[3] (Ingelesez) «Historical overview of the Paralympics, Special Olympics, and Deaflympics. - Free Online Library» web.archive.org 2012-10-13 (Noiz kontsultatua: 2024-08-18).

[1]

[2]

[3]