Heidelbergeko Unibertsitatea

Heidelbergeko Unibertsitatea
Datuak
Mota	ikerketa-unibertsitate publikoa, campusa, sarbide irekiko argitaletxea, comprehensive university (en) eta University of Excellence (en)
Herrialdea	Alemania
Jarduera
Kidetza	COIMBRA GROUP, Verein zur Förderung eines Deutschen Forschungsnetzes, Hochschulrektorenkonferenz, German University Sports Federation (en) , European University Association, Informationsdienst Wissenschaft, International GLAM Labs Community, Franco-German University (en) , 4EU+ Alliance (en) , arXiv, Nationale Forschungsdateninfrastruktur, Lliga d'Universitats d'Investigació Europees, ELIXIR Germany eta Unibertsitateen Nazioarteko Elkartea
Eskumendekoak	Heidelberg Graduate School of Mathematical and Computational Methods for the Sciences, University of Heidelberg (en) , Center for Quantum Dynamics, Heidelberg University (en) , Heidelberger Institut für Radioonkologie (en) , Institute for Theoretical Physics (en) , Heidelberg University Faculty of Medicine in Mannheim (en) , South Asia Institute (en) , HeiGIT eta Heidelberg Center for the Environment (en)
Erabilitako hizkuntza	aleman eta ingeles
Ikasle-kopurua	28.413 (2017ko ekainaren 1a)
Matrikula-tasa	1.500 €
Agintea
Errektorea	Bernhard Eitel eta Frauke Melchior (en)
Egoitza nagusi	Grabengasse 1, 69117 Heidelberg Heidelberg
Kideak	Heidelberg University Faculty of Law (en) Heidelberg University Faculty of Theology (en) Heidelberg University Library (en) Q125635862 University Computing Centre Heidelberg (en)
Zeren jabe	Friedrichsbau (en) eta Antikensammlung der Universität Heidelberg
Historia
Sorrera	1386
Sortzailea	Rupert I, Elector Palatine (en)
webgune ofiziala

Heidelbergeko Unibertsitatea, ofizialki Heidelbergeko Ruprecht Karl Unibertsitatea, alemanez: Ruprecht-Karls-Universität Heidelberg eta latinez: Universitas Ruperto Carola Heidelbergensis) Alemaniako Baden-Württemberg estatuko Heidelberg hirian dagoen unibertsitate publiko bat da. 1386an Urbano VI.a Aita Santuaren aginduz sortu zen; ondorioz, Alemaniako unibertsitate zaharrena da, eta baita munduko unibertsitaterik zaharrenetako bat ere. Germaniako Erromatar Inperio Santuko hirugarren unibertsitatea izan zen (lehena Pragako Unibertsitate Karolinoa izan zen; bigarrena, Vienako Unibertsitatea). 1899tik gizonek eta emakumeek ikasi ahal izan dute bertan.

Heidelberg Europan ospe onena duten unibertsitateen artean dago. Alemaniako gobernuak "unibertsitate bikain" izendatu du eta Coimbra taldeko kide da. Hamabi fakultate ditu eta graduko, graduondoko eta doktorego programak eskaintzen ditu 100 bat esparrutan. Irakaskuntza gehiena alemanez egiten da baina badira graduondoko programak ingelesez eta frantsesez.

2021. urtera arte, unibertsitatearekin 33 Nobel saridunek zuten loturaren bat. Hainbat esparru zientifiko unibertsitate honetan sortu ziren: adibidez, psikiatria modernoa, psikofarmakologia, psikologia esperimentala, genetika psikiatrikoa, estatistika matematikoa, ingurumenaren fisika eta soziologia modernoa. 1.000 bat ikaslek lortzen dute doktore-titulua urtero eta doktorego-ikasleen heren bat atzerritarra da. Ikaslego osoaren % 20 atzerritik dator, 130 herrialdetatik.

Historia

Sorrera

1378ko Mendebaldeko Zismari esker, Heidelbergek, Palatinatuko hiriburuak, unibertsitate propioa izateko aukera lortu zuen.

Mendebaldeko Zisma Gregorio XI.a aita santua hil ondoren bi aita santu hautatu zirelako hasi zen. Frantsesek aukeratutakoa Avignonen bizi zen; italiarrek aukeratutakoa, berriz, Erroman. Alemaniako buruzagi laiko eta erlijiosoek Erromako aita santuari adierazi zioten babesa, eta horrek ondorio larriak izan zituen Parisko ikasle eta irakasle alemanentzat: soldata kendu zitzaien eta alde egin behar izan zuten.

Rupert I.ak aukera bat ikusi zuen eta Erromako kuriarekin hitz egiten hasi zen. Aita santuaren bulda bat lortu zuen unibertsitate bat sortzeko; ondoren, 1385eko urriaren 23an, Urbano VI.aren baimena lortu zuen ikasketa orokorren (latinez, studium generale) eskola bat sortzeko. Unibertsitatea sortzeko azken erabakia Rupert I.ak hartu zuen, 1386ko ekainaren 26an. Buldan adierazi zen unibertsitatea Parisko Unibertsitatean oinarrituko zela eta lau fakultate izango zituela: filosofiakoa, teologiakoa, zuzenbidekoa eta medikuntzakoa.

1386ko urriaren 18an meza berezi bat ospatu zen Heidelbergeko Espiritu Santuaren elizan, unibertsitatearen sorrera ospatzeko. Hurrengo egunean eman ziren lehen eskolak. Heidelberg Alemaniako unibertsitate zaharrena da. 1386ko azaroan hautatu zuen lehen errektorea. Unibersitatearen lema semper apertus zen ("ikaskuntzaren liburua beti irekita dago"). Ikaslegoa asko hazi zen eta 1390eko martxorako 185 ikasle zeuden jada.

Kanpo estekak

• Webgune ofiziala (Alemanez)

• Datuak: Q151510
• Multimedia: Universität Heidelberg / Q151510

Artikulu hau hezkuntzari buruzko zirriborroa da. Wikipedia lagun dezakezu edukia osatuz.