Hipparchia fagi

Hipparchia fagi
Irudi gehiago
Iraute egoera
Ia galzorian  (IUCN 3.1)
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Nymphalidae
Leinua	Satyrini
Generoa	Hipparchia
Espeziea	Hipparchia fagi [[|]]
Datu orokorrak
Ostalaria	arrauka eta Brachypodium

Hipparchia fagi Euskal Herrian aurki daitekeen tximeleta bat da, Nymphalidae familiakoa. Europa hegoaldean bizi da, Alpeetatik hegoaldera.

Deskribapena

Tximeleta handia da, 66-76 mm arteko hegal zabalera du. Hegalen gainaldea marroi iluna da aurrealdean eta atzealdean marroi argia agertzen da gero iluntzen doana. Arrak ozelo txiki batzuk azaltzen ditu aurreko hegaletan. Emea nahiko antzekoa da, bi ozelo garbi azaltzen ditu honek. Hegalen azpialdea antzekoa da, grisagoa agian.

Koloreztapen honi esker bikain kamuflatzen da tximeleta, hegalen gainaldea enborrean eta azpialdea lur harritsuan.

Beldarra gris-marroixka da, kolore apalekoa, eta lerro beltz fin ez-jarraitu batek zeharkatzen du aurretik atzera.

Bizi zikloa

Ekaina eta iralia artean ikusten dira hegan. Ondoren arrautzak jarri eta handik beldarrak ateratzen dira. Beldarrak hibernatu egiten du eta udaberrian hainbat belar motataz elikatzen da; Brachypodium pinnatum, Bromus erectus, Festuca rubra, Holcus lanatus eta Holcus mollis.

Habitata

Fagi izenak pago zuhaitzari egiten dio erreferentzia, eta orokorrean baso epel hostoerorkorretan agertzen da. Koniferotan ere ikus daiteke eta elardi zabaletan ere bai. Itsas mailatik hasi eta gehienez 1.600 metrotako altuerara iristen da.

Iruditegia

• 
  Tximeleta erraz kamuflatzen da enborrean.
• 
  Emea.
• 
  Tximeletak loreetan.

Kanpo estekak

• Datuak: Q1549084
• Multimedia: Hipparchia fagi / Q1549084