Holtzarteko arroilak

Holtzarte
Holtzarte
Datu orokorrak
Garaiera	489 m
Mota	arroila
Geografia
Koordenatuak	43°00′07″N 0°55′34″W / 43.001861°N 0.9262°W
Mendikatea	Pirinioak
Estatu burujabe	Frantzia
Frantziaren banaketa administratiboa	Metropolitar Frantzia
Eskualdea	Akitania Berria
Departamendua	Pirinio Atlantikoak
Barruti	Oloroe-Donamariako barrutia
Kantonamendu	Atharratze-Sorholüzeko kantonamendua
Frantziako udalerri	Larraine
Ur-gorputza	Olhadoko erreka
Mendizaletasuna
Ohiko bidea	Logibarretik (Larraine)

Holtzarteko arroilak Larrainen (Zuberoa) kokaturiko bi haitzebaki estu dira, Olhado eta Olhadübia izena dituztenak, erosioaren bidez eratu dituzten erreken izen berdinak. Holtzarte, izatez, bi arroil horien arteko zatiari deritzo.

Geografia[aldatu | aldatu iturburu kodea]

Basabürüako paisaia, arroil sakonez osaturik dagoen paisaia karstikoa da, zeinetan Holtzarteko arroilak (100 eta 300 metro arteko altuerarekin), Kakuetakoarekin batera ikusgarrienak diren.

Orain dela 80 milioi urte eratu ziren Olhado eta Olhadibia erreken erosioaren ondorioz. 420 metrotako altueran, Olhado ibaia Olhadübi arroilarekin batzen da, azken hau Sardekagañatik datorren Olhadübi errekak eratua izan zena. Bi erreka (eta arroil) hauek batzen diren lekuan dago Holtzarteko zubi famatua (580 m-tako altueran). Berau, Lombardi Marcelloren Atharratzeko altzairu-fabrikako langile italiarrek eraiki zuten 1920an Holtzarteko basotik egurra atera ahal izateko. Zubi eseki ikusgarri honek, arroila gurutzatzen du, Olhadoko errekatik 140 metroko altuerara.

Sarbidea[aldatu | aldatu iturburu kodea]

Holtzartera heltzeko, Logibarretik (380 m.) hel daiteke RD-26 ibilbidea jarraituz, nahiko bide maldatsu batetik. 45 minutu inguru behar dira oinez Logibarretik zubira heltzeko.