Hurling

Pilota (irlanderaz: sliotar) eta makila (irlanderaz: camáin; ingelesez: hurley).

Áth an Mhuileann taldearen eta Tobar Phádraig taldearen arteko partida, Limerick, 2004ko abuztuaren 28a.

Hurlinga (irlanderaz iomáint edo iománaíocht) antzinako irlandar eta gaelikoen artean sortutako taldekako kirol bat da, Elkarte Atletiko Gaelikoak arautua (irlanderaz: Cumann Lúthchleas Gael; ingelesez: Gaelic Athletic Association). Kirol honek historiaurrean du jatorria, eta duela 3.000 urte baino gehiago hasi ziren jokatzen.^[1] Irlandan jokatzen diren joko gaelikoetako bat da, eta hainbat ezaugarri partekatzen ditu futbol gaelikoarekin, hala nola jokalekua eta ateak, jokalari kopurua eta terminologiaren zati handi bat. Eskozian jokatzen den shinty kirolaren antzekoa da. Bada emakumeek jokatzen duten gisa bereko joko bat ere, camogie izenekoa.

Jokalari bakoitzaren tresna nagusia makila da (irlanderaz: camáin; ingelesez: hurley), makila horrekin pilota bat jotzen dute (irlanderaz: sliotar).

Lehiaketa nagusiak[aldatu | aldatu iturburu kodea]

Sakontzeko, irakurri: «All-Ireland Senior Hurling Championship»

All-Ireland Championship: Hurling lehiaketa nagusia da. Irlandako Errepublikako eta Ipar Irlandako konderriak lehiatzen dira, bai eta Londresko (Erresuma Batua) eta New Yorkeko (AEB) taldeak ere; finala Dublingo Croke Park zelaian jokatzen dute. Txapelketa gehien irabazi dituena Kilkenny GAA taldea da.

National Hurling League: liga honek aurreko txapelketako talde berak ditu partaide, baina ez du halako osperik, eta gehienek All-Ireland txapelketarako prestakuntza gisa hartzen dute lehiaketa hau.

Palmaresik onenak[aldatu | aldatu iturburu kodea]

2018ko datuak barne.

Postua	Taldea	All-Ireland	National League	Guztira
1	Kilkenny GAA	36	18	54
2	Tipperary GAA	27	19	46
3	Cork GAA	30	14	44
4	Limerick GAA	8	11	19
5	Galway GAA	4	9	13
6	Wexford GAA	6	4	10
7	Dublin GAA	6	3	9
8	Clare GAA	4	4	8
9	Offaly GAA	4	1	5
10	Waterford GAA	2	3	5

XXI mendeko palmaresa[aldatu | aldatu iturburu kodea]

Urtea	All-Ireland	National League
2000	Kilkenny	Galway
2001	Tipperary	Tipperary
2002	Kilkenny	Kilkenny
2003	Kilkenny	Kilkenny
2004	Cork	Galway
2005	Cork	Kilkenny
2006	Kilkenny	Kilkenny
2007	Kilkenny	Waterford
2008	Kilkenny	Tipperary
2009	Kilkenny	Kilkenny
2010	Tipperary	Galway
2011	Kilkenny	Dublin
2012	Kilkenny	Kilkenny
2013	Clare	Kilkenny
2014	Kilkenny	Kilkenny
2015	Kilkenny	Waterford
2016	Tipperary	Clare
2017	Galway	Galway
2018	Limerick	Kilkenny