Iñaki Williams

Iñaki Williams
	; (2025) Irudi gehiago
Bizitza
Jaiotzako izen-deiturak	Iñaki Williams Arthuer
Jaiotza	Bilbo, 1994ko ekainaren 15a (31 urte)
Herrialdea	Bizkaia, Euskal Herria
Familia
Haurrideak	ikusi Nico Williams;
Hezkuntza
Hizkuntzak	gaztelania; ingelesa; twia; euskara
Jarduerak
Jarduerak	futbolaria
Ibilbidea
Posizio edo espezialitatea	aurrelaria
Kirol zenbakia	9
Lateralitatea	eskuina
Pisua	77 kilogramo
Altuera	1,86 metro

Iñaki Williams Arthuer (Bilbo, Bizkaia, 1994ko ekainaren 15a) futbolari profesionala da. Pamplona Kirol Klubetik Athleticen harrobira heldu zen jubenila zela, eta egun Athleticen gizonezkoen lehen taldean jokatzen du. Gurasoak Ghanakoak ditu. Iñakiren anaia Nico ere futbolari profesionala da.

Bizitza

Iñakik bere bizitzako lehenengo egunak Bilbon eman zituen, baina Iruñean hazi zen. Bilbotik gurasoak Sesmara (Nafarroa Garaia) joan ziren, han aitak nekazaritzan lan egin baitzuen, etxalde batean.^[1] Iñakik eskola hasi behar zuenean, Iruñera joatea erabaki zuten. Futboleko lehen urratsak Iruñeko Igeriketa Elkartean egin zituen.^[2]

2008tik 2012ra Pamplona futbol-taldean jokatu zuen. Talde horrek Athletic taldearekin harreman onak zituenez, 2012an Bilbora joan zen Iñaki. Beheko mailetan oso nabarmena zen haren jokoa; Athleticen egin zuen lehenengo denboraldian 35 gol sartu zituen guztira. Horri esker, gazteen Errege Kopan finaleraino iritsi ziren, eta NextGen serieetan parte hartu zuen, geroago lehen taldean etorkizun handia izan zuten beste batzuk lagun zituela: Kepa Arrizabalaga, Yeray Álvarez eta Aymeric Laporte. Hurrengo urtean Athleticen bi filialetan jokatu zuen: denboraldi erdi bat Baskonian, non 7 gol sartu zituen, eta beste erdia Bilbao Athleticen, non beste 8 gol egin zituen. 2014ko abenduaren 6an egin zuen debuta lehen taldearekin. Administrazio gradu bat ikasi zuen, eta Ghanara laguntza bidaltzen duen elkarte bateko kide da.^[3]

Iñakiren ama Maria Arthuer Liberian jaio zen, eta oso gaztetik Ghanara joan zen bizitzera Liberiako gerra zibiletik ihesi. Mariak Felix Williams ezagutu zuen Buduburamgo errefuxiatu eremuan, eta Europaraino 3.500 kilometroko bidea egin zuten elkarrekin, errepidez. Etortzear zeuden seme-alabentzat bizileku hobea nahi zuten. Melillatik Bilbora jo zuten, eta han Iñaki Mardones apaizaren laguntza jaso zuten; haren omenez jarri zioten Iñaki seme zaharrenari. Handik gutxira Iruñera mugitu ziren lanagatik, eta gero aita Londresera joan zen, lanagatik orobat. Iñakik bere lehen kontratu profesionala sinatu zuenean, aita familia osoarekin bildu zen berriro, zazpi urte geroago. Nico Williams Iñakiren anaia da, 2002an jaioa, 2013tik Athleticen jokatzen duena, hasieran kategoria txikietan, eta 2020-21 denboralditik Athetic-en talde nagusian ere bai.^[3]

Kirol ibilbidea

2025eko Maiatzak 31n eguneratua. Datu ofizialak.

Taldea	Maila	Denboraldia	Liga		Kopa		Champions League		Europa League		Conference League		Superkopa		Denera
Taldea	Maila	Denboraldia	JP	G	JP	G	JP	G	JP	G	JP	G	JP	G	JP	G
Baskonia	3.	2013/14	18	7	-	-	-	-	-	-			-	-	18	7
Baskonia	Denera		18	7	-	-	-	-	-	-			-	-	18	7
Bilbao Athletic	2.B	2013/14	14	8	-	-	-	-	-	-			-	-	14	8
	2.B	2014/15	18	13	-	-	-	-	-	-			-	-	18	13
	Denera		32	21	-	-	-	-	-	-			-	-	32	21
Athletic	1.	2014/15	19	1	4	1	0	0	2	1			-	-	25	3
	1.	2015/16	25	8	5	3	-	-	7	2			0	0	37	13
	1.	2016/17	38	5	3	2	-	-	8	1			-	-	49	8
	1.	2017/18	38	7	1	0	-	-	13	3			-	-	52	10
	1.	2018/19	38	13	3	2	-	-	-	-			-	-	41	15
	1.	2019/20	38	6	7	4	-	-	-	-			-	-	45	10
	1.	2020/21	38	6	7	1	-	-	-	-			2	1	47	8
	1.	2021/22	38	8	4	0	-	-	-	-	-	-	2	0	44	8
	1.	2022/23	36	10	6	1	-	-	-	-	-	-	-	-	42	11
	1.	2023/24	34	12	5	2	-	-	-	-	-	-	-	-	39	14
	1.	2024/25	35	6	2	0	-	-	12	5	-	-	1	0	50	11
	1.	2025/26	-	-	-	-	-	-	-	-	-	-	-	-	-	-
	Denera		377	82	47	16	0	0	42	12	-	-	5	1	471	111
Ibilbide osoan			427	110	47	16	0	0	42	12	-	-	5	1	521	139

Selekzio nazionala

2016ko maiatzaren 17an Vicente del Bosqueren deia jaso zuen 2016ko Eurokopa selekzio absolutuarekin prestatzeko hamaika jokalariz osatutako zerrenda alternatibo batean parte hartzeko. Azkenik, maiatzaren 29an Espainiako selekzioarekin debuta egin zuen, Bosnia-Herzegovinaren aurkako lagunarteko partida batean.^[4]

2018ko urriaren 12an egin zuen debuta Euskal Herriko futbol selekzioarekin, Venezuelaren aurkako lagunarteko partida batean (4-2).^[5]

2022ko uztailaren 5ean, bere arbasoen selekziorako, Ghanako futbol selekziorako jokatuko zuela iragarri zuen.^[6] Irailaren 23an egin zuen debuta, Havreko Océane estadioan, Brasilen aurka (3-0), atsedenaldian Kamaldeen Sulemana ordezkatuz.^[7] Selekzioan, herrialdeko ohitura jarraituz, "Kweku" izena erabiltzen du.^[8] Azaroaren 14an, Otto Addo hautatzaileak Qatarreko 2022ko Munduko Txapelketa jokatzeko emandako hogeita sei jokalarien zerrendan sartu zen.

Tituluak

Erreferentziak

↑ (Gaztelaniaz) Uriarte, Jon. (2020-02-24). «El religioso por el que Williams se llama Iñaki» COPE (kontsulta data: 2021-04-07).
↑ (Gaztelaniaz) «Athletic: El viaje de la familia Williams desde Ghana hasta Bilbao» Mundo Deportivo 2018-05-30 (kontsulta data: 2021-04-07).
↑ ^a ^b Magro Eizmendi, Imanol. (2017-08-05). Ahomentan. (kontsulta data: 2017-08-06).
↑ Martín, Luis. (2016/05/29). «Nolito da la victoria a España ante Bosnia en el final de las convivencias» El País ISSN 1134-6582..
↑ «Euskadi aprovecha su pegada ante Venezuela» Deia 2018/10/12.
↑ Herrán, Alfonso. (2022-07-05). «Iñaki Williams decide jugar con Ghana» Diario AS.
↑ «Iñaki Williams debuta con Ghana ante Brasil» Mundo Deportivo 2022-09-23.
↑ Lowe, Sid. «Iñaki Williams: 'Playing for Ghana allows me to get closer to my roots'» The Guardian.

Kanpo estekak

Fitxa - www.athletic-club.eus

Datuak: Q18608497
Multimedia: Iñaki Williams / Q18608497

[1] (Gaztelaniaz) Uriarte, Jon. (2020-02-24). «El religioso por el que Williams se llama Iñaki» COPE (kontsulta data: 2021-04-07).

[2] (Gaztelaniaz) «Athletic: El viaje de la familia Williams desde Ghana hasta Bilbao» Mundo Deportivo 2018-05-30 (kontsulta data: 2021-04-07).

[:0-3] Magro Eizmendi, Imanol. (2017-08-05). Ahomentan. (kontsulta data: 2017-08-06).

[4] Martín, Luis. (2016/05/29). «Nolito da la victoria a España ante Bosnia en el final de las convivencias» El País ISSN 1134-6582..

[5] «Euskadi aprovecha su pegada ante Venezuela» Deia 2018/10/12.

[:1-6] Herrán, Alfonso. (2022-07-05). «Iñaki Williams decide jugar con Ghana» Diario AS.

[7] «Iñaki Williams debuta con Ghana ante Brasil» Mundo Deportivo 2022-09-23.

[8] Lowe, Sid. «Iñaki Williams: 'Playing for Ghana allows me to get closer to my roots'» The Guardian.

[1]

[2]

[3]

[4]

[5]

[6]

[7]

[8]