Info7

Wikipedia(e)tik
Hona jauzi: nabigazioa, Bilatu

Info7 2006an sorturiko irratia da. Internet bidez entzun daitekeen irratia da, baina FM bidez Euskal Herriko txoko guztietara ailegatzeko urratsak egiten ari da. Dena den, Euskal Herriko hiriburuetan eta herri batzuetan FM bidez entzun daiteke, zenbait herritarren iniziatiba dela eta (oraingoz: Donostialdean 99.2; Tolosaldean 97.7; Bergaran 107.0; Arrasaten 106.1; Urolan 107.7; Durangoaldea 100.7; Otxandion 90.4; Iruñean 106.7; Gasteizen 103.8; Bilbon 102.3 eta Goierrin 106.0). Proiektuaren ezaugarrien artean irekia, Euskal Herria aintzat hartzen duena eta Euskal Herri osorako izatea da. Munduan zehar gertatzen dena ere Euskal Herriaren ikuspuntutik lantzen du.

Irizpide editorialak[aldatu | aldatu iturburu kodea]

  1. Euskal Herriak bere buruaren jabe izateko eskubidea du, eta euskal herritarrek, libre eta presiorik gabe, herri harremanak antolatzeko aukera izan behar dute. Aldi berean, irratiak munduko herrien askatasunaren eta elkarren arteko elkartasunaren alde egiten du.
  2. Euskararen herria da Euskal Herria, eta, horregatik, hizkuntza biziberritzeko, hedatzeko eta erabat normaltzeko ahalegina egiten du. Euskararen ofizialtasuna du oinarrizko eskabide. Irrati programazioan hizkuntza erabilerari dagokionez, proiektuak Euskal Herrian hitz egiten diren hiru hizkuntzak kontuan hartzen ditu. Hala ere, tarte handiena euskarak du.
  3. Gizartearen antolaketan eta pertsonen arteko harremanetan irizpide aurrerazaleak nagusi daitezen egiten du lan. Gizarte eskubideen alde eta bazterketa eta esplotazioaren aurka; sexuen arteko berdintasunean oinarritutako harremanen alde; arrazakeriaren kontra...
  4. Eskubideen ukazioak eragindako gatazka gordina pairatzen ari da, luzaz, Euskal Herria. Gatazka horri konponbide demokratikoa emateko hautua egiten du.

Kanpo loturak[aldatu | aldatu iturburu kodea]